أرجوكم أحتاج لنصحكم أيهما أفضل الطب في الأزهر أم الإسلامية

[ياسمين ياسمين]

أنا طالبة ثانوية عامة من غزة
نجحت هذا العام بمعدل يمكنني إن شاء الله من دراسة الطب في الأزهر أو الإسلامية
ولكني في حيرة من أمري
يقولون أن الطب في جامعة الأزهر أفضل من الإسلامية كونهم يمتلكون خبرة أكبر
ولكن المشكلة أني سمعت الكثير ممن يصف جامعة الأزهر بأنها "********" عفوا لاستخدام التعبير ولكنه ما سمعته ولا أدري مدى صحته كما أن الجامعة الإسلامية تجتذبني أكثر بنمط تدريسها والنظام السائد فيها
أصبحت حائرة ولا أدري ما العمل
أرجوكم ساعدوني
أيهما أفضل
ولأيهما أتجه
أرجو تدعيم الكلام بالحقائق
آسفة على الإطالة أعرف أنكم ـ طلبة الطب ـ لا تمتلكون وقتا لمثل هذه الأشياء ولكني حقا بحاجة إلى مساعدة
ساعدوني
أرجووووووووووووووووووووووووووووووووووووووووووووووو وووكم

[_ايمان_]

السلام عليكم
انا ايضا ان شاء الله اخدت القرار طب وفي جامعة الازهر لانو سمعت من اكتر من شخص انها بالاسلامية مش معترف فيها دوليا اما بالازهر زي ما قلتي خبرة اكتر
وانا سالت طالبة في الطب في الازهر وشجعتني اكتر وان شاء الله حاروح علي الجامعة واسال
ويشرفني نكون زملاء
تحياتي

هناك اعتراف بالجامعة الاسلامية دوليا وبجامعة الازره كاحد فروع كلية طب فلسطين

[الهام احمد]

انا انصحكي بان تدخلي الاسلامية نصيحة من اخت لاختها والامر في الاول والاخر بيرجع الك

[ياسمين ياسمين]

شكرا أخت إيمان وأخت إلهام أحمد على الرد
أخت إيمان
لقد سألت طالبة في جامعة الأزهر وكذلك فعلت فشجعتني جدا على دخول جامعة الأزهر ولكن المشكلة أن طالبة من الإسلامية أيضا شجعت وبشدة على دخول الطب في الإسلامية وأخبرتني أنه معترف بالطب فيها دوليا
كل يدلي بدلوه ولن يعيب أحدهم جامعة يدرس بها بل سيشجعك على الدخول إليها ولكن لست أدري لمن القرار
أميل للإسلامية أكثر
سأستخير الله وإن شاء الله أهتدي للصواب
أخت إلهام أحمد
إن شاء الله لو كان في بالإسلامية خير ربنا رح يوجهني إلها ولكن هل تدرسين الطب هناك كي تطمئنيني
أحتاج إلى الحقائق أرجوووووكم
شكرا لردودكم وتعاونكم

ياسمين

[جابر عثرات الكرام]

أولا مبارك لكم النجاح و التفوق و أتمنى لكم دوام التفوق و التقدم

ثانيا في مثل بالعامية بيقول " ما في حدا بيقول عن زيته عكر "

هذا المثل سمعته لما خلصت توجيهي مثلكم و طلعتلي منحة لدراسة الطب

و قعدت أسأل الدكاتره اللي تخرجه من الجامعة اللي طلعت المنحة عليها

ففي واحد ابن حلال الله يمسي بالخير حكى هالمثل و حتى اليوم المثل بيمثل حكمة

أكدتوها حضراتكم لما قلته إنه كل واحد بيدرس في كلية ما بيعيبها

بس أنا بدي أكسر القاعدة و أعيب في الطب كله خصوصا للبنات و خصوصا في الأزهر و الإسلامية

نصيحة لوجه الله يا جماعة ما بدكم لا طب و لا هندسة أنا في الميدان و عارف الصحيح

صدقوني سكرة الفرحة بالمعدل رايحة تعمي قماركم عن شوفة المصايب اللي بعد ما تبدأو دراسة الطب أو الهندسة

تعب و سهر و قلق و قرف و عمر بيضيع عالفاضي و البنات بيعنسوا و بيصيروا يدوروا عالعرسان في الشوارع و مش لاقين .......... بهدلة غير شكل ( مزحة بس بجد )

أحلى تخصص للبنات هي التخصصات اللي ممكن يجيبوا فيها علامات وهم مرتاحين يعني من غير ما يلبسوا نظارات قعر كباية ..... أو تفقد البنت أنوثتها من كتر ما بتحرق في حالها


أنا بأنصحكم لوجه الله تعالى و إنتم أحرار

بس أنا بدي أقول كلمة و ربي من فوق سبع سماوات شاهد و لقد حلفت بالعظيم الذي لا إله إلا هو

أولا بنات الطب في طبعهن الغيرة و الحسد بصورة مش طبيعية و بالتالي لما حضراتكم سألتوهن كان طبيعي إنهم يبينولكن إنه طب الأزهر و الإسلامية ولا طب هارفارد أو أكسفورد أو حتى القاهرة و عين شمس

فلازم تاخدو بالكم لما تسألوا البنات لأنهن و أقسم بالله بيتمنن إنه كل الناس يصيروا زيهن بعد ما شافوا الطب و مصايبه



.................................................. .................................................
.................................................. .................................................

ارجو عدم ذكر اسماء او شخصيات او احزاب والطعن بها

تم التعديل بواسطة

abu_3bdulla

[_ايمان_]

بصراحة كلامك اخي جابر عترات اكرام ارعبني واريد اعرف انتا من اي جامعةوبسنة كام لحتي صار عندك الاكتئاب هادا
انا كمان سالت طالب ايضا من الازهر وفي سنة سادسة وبيقول دراسة الطب عادي زي باقي التخصصات يعني بزيادة شوية تعب وبيقول انه السنة السابعة سنة امتياز وكلها بالمستشفي يعني سنة حلوة
بعدين انا بصراحة مستخسرة علي معدلي وكمان جايالي منحة اضيع هيك فرصة بنات كتير غيري بيتمنوها
يا ريت شوية بس تقول مزايا لالها
تحياتي

[omar za]

انا رايي ان الطب اسما مهنة ( مع اني ما بحب ادرسه ومعدلي مناسب الو) بالعكس الطب مناسب جدا للاخوات اذا اختاره اش يتخصصو في وبالنسبة للهندسة فهناك انواع هندسة تصلح اكثر من غيرها ( الكل يصلح ) ولكن مثلا الهندسة الصناعية مناسبة للبنات لانها تتعلق بالادارة بشكل كبير،،وهندسة الحاسوب افضل من الكهرباء بس الرغبة يلي بتحددد في الاخر
تقبلوا مروري

[abu-groon]

والله ياأختي الكريمة اسمعي هالكلام من شخص ليس لديه أي انتماء


أولا : في جامعة الأزهر الدراسة لمدة سنة واحدة في فلسطين والباقي في مصر أو أي دولة ... بينما الاسلامية كل الطب في فلسطين ...

ثانيا: الجامعة الإسلامية من اول يوم في الجامعة بتعرف اللي الك واللي عليك ( جداول القاعات -مواعيد المناقشات - جدول الامتحانات النصفية -جدول الامتحانات النهائية - موقع على الانترنت كامل متكامل للتسجيل والتحويل .....
أما جامعة الأزهر ..... فلا يوجد شيء من ذلك

ثالثا: حسب كلام الأطباء فإن العلم الحديث الذي ستقدمه الجامعة الإسلامية أقوى من جامعة الأزهر ( الكتب والمناهج )

رابعا : المباني : الجامعة الإسلامية فيها مدينة طيبة كاملة في الشمال والأزهر بح ...

خامسا : دكاترة الجامعة الإسلامية عارفين وين ربنا حاططهم مش زي الأزهر كل واحد بياخد حقوا ..

سادسا : الجامعة الإسلامية خالية تماما من المشاكل سواء الحزبية أو غيرها ************************************************

سابعا: الجامعة الاسلامية غير مختلطة ( من ناحية شرعية كمان أحسن البنت فيها زي الدرة مصونة من العابثين والمتساقطين على النقيض **********************************

هذا ماخرج ولسا ماخفي أعظم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لا يجوز التشهير باي موسسة او جامعة

والنصيحة اليوم ببلاش ..........

[محبة العلم]

انا من رأيي كلام الاخ abu_groon كلام صائب 100 بالمية وما بدو تعليق وانا باوافقه بشكل تام ونصيحتي للاخت ايمان وياسمين انهم يلجئو للاستخارة لانه اذا ربنا رايدلهم شي ان شاء الله حيخدو
سلااام

[إيمان ولا بديل]

بليز للاخت ايمان او اي حدا في المنتدى
كيف قدروا يطلعوا منحة خصوصا في الازهر
إيمان

[جابر عثرات الكرام]

بصراحة كلامك اخي جابر عترات اكرام ارعبني واريد اعرف انتا من اي جامعةوبسنة كام لحتي صار عندك الاكتئاب هادا
انا كمان سالت طالب ايضا من الازهر وفي سنة سادسة وبيقول دراسة الطب عادي زي باقي التخصصات يعني بزيادة شوية تعب وبيقول انه السنة السابعة سنة امتياز وكلها بالمستشفي يعني سنة حلوة
بعدين انا بصراحة مستخسرة علي معدلي وكمان جايالي منحة اضيع هيك فرصة بنات كتير غيري بيتمنوها
يا ريت شوية بس تقول مزايا لالها
تحياتي

الله يمسيكي بالخير أختي الكريمة

أولا ما تردي على الأخ اللي مش عارف راسه من رجليه و هو بيحكي abu-groon لأنه في ناس بتخبص في العمار

أنا بأحكي عن الطب ما بحكي عن الإسلامية و الأزهر و مين الأفضل

كلية الطب في الأزهر و الإسلامية ناقصها حاجات كثير من الخبرة الأكاديمية للمشارح و المعامل و المباني اللي الأخ بيقول إنه في مدينة طبية يتفضل يطلعها من جيبته بدل ماهو مخبيها

صدقيني أنا بأنصحكم لوجه الله ببلاش على رأي الأفندي

يعني حضرتك و إنتي متفوقة و بتفهمي ما شاء الله عليكي

بدك طالب سنة سادسة خريج يقولك إنه الكلية ما بتسوى نكلة و هو راح يتخرج منها

يعني يدمر سمعته من أولها .......

و الله الطب راح يدمر كل لحظة سعيدة في حياتك بسبب غباوة الإدارة في الجامعتين لكلية الطب و النقص الشامل في كل حاجة ............************************************** ************************************************
أنا ضذ إن البنات بالعموم يدرسن طب و خصوصا الأزهر و الإسلامية

لكن إذا كان لابد حاولي تدرسي طب في مصر أو الأردن أو أي كان خارج الوطن الغالي ***************************

صدقيني النصيحة هاي ما راح تسمعيها كتير لأنه قلتلك المثل شو بيقول

************************************************** *******
************************************************** ******
************************************************** ********

راجعي حساباتك بدل المرة ألف قبل ماتقع الفاس في الراس و هات و سلك بعدين

إبعدي عن الطب و الهندسة ...... معدل توجيهي حلاوته هالحين بس و بعد هيك بتبطل تفرق

فكري في تخصص مريح و خفيف و سهل .... ما في إيشي ما بدة قراية

بس بلا أخف من بلا ...... في تخصصات المتفوقين بسهولة بيجيبوا فيها علامات

عالعموم في بلدنا صار الدكتور و الحمرجي واحد ..... مع إحترامي لكل إنسان مهما كان عمله

الدكتور إنضرب و إنطخ و اتهم بالعمالة و غيرها كتير من الأحزاب اللي سيادة المراقب الفاضل ما بدو أجرح فيها


التعليق على ردود الاعضاء يجب ان يكون باحترام وليس بالشتم و التهجم
وهذا بمثابة تحذير

[deathknight]

والله ياأختي الكريمة اسمعي هالكلام من شخص ليس لديه أي انتماء


أولا : في جامعة الأزهر الدراسة لمدة سنة واحدة في فلسطين والباقي في مصر أو أي دولة ... بينما الاسلامية كل الطب في فلسطين ...

ثانيا: الجامعة الإسلامية من اول يوم في الجامعة بتعرف اللي الك واللي عليك ( جداول القاعات -مواعيد المناقشات - جدول الامتحانات النصفية -جدول الامتحانات النهائية - موقع على الانترنت كامل متكامل للتسجيل والتحويل .....
أما جامعة الأزهر ..... فلا يوجد شيء من ذلك

ثالثا: حسب كلام الأطباء فإن العلم الحديث الذي ستقدمه الجامعة الإسلامية أقوى من جامعة الأزهر ( الكتب والمناهج )

رابعا : المباني : الجامعة الإسلامية فيها مدينة طيبة كاملة في الشمال والأزهر بح ...

خامسا : دكاترة الجامعة الإسلامية عارفين وين ربنا حاططهم مش زي الأزهر كل واحد بياخد حقوا ..

سادسا : الجامعة الإسلامية خالية تماما من المشاكل سواء الحزبية أو غيرها والأزهر والصلاة على النبي كل يوم تعليق وكل يوم دكتور مضروب ومرة دكتور تحت مكتبو لغم ؟؟؟؟؟؟؟؟

سابعا: الجامعة الاسلامية غير مختلطة ( من ناحية شرعية كمان أحسن البنت فيها زي الدرة مصونة من العابثين والمتساقطين على النقيض من **********************


هذا ماخرج ولسا ماخفي أعظم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟



والنصيحة اليوم ببلاش ..........

السلام عليكم
يا أخ ابو قرون شو هالكلام اللي بتقوله -لا مؤاخذة- يعني اللي بيسمع بيصدق
احنا تعون الأزهر عمرنا ما هجمنا الاسلامية ولا حكينا عليها كلمة مش كويسة خاصة أنها بنت امبارح وبنقدر نحكي كلام وكلام واحنا اصحاب التجربة والريادة بتحكي عالكتب والاسلامية لسا دفعتها ما بدت تاخذ الكتب الطبية أنا حأعرف بنفسي وأبدا الرد
أنا من شمال غزة والي 2 خوات بيدرسن طب سنةوحدة رابعة ووحدة خامسة بالأزهر ولمن سجلن مكانش في بالاسلامية طب
أبدا برد عكلامك حسب نقاطك
أولا : طب الأزهر كله هان مش زي ما بتقول والدليل خواتي وحدة رابعة ووحدة خامسة هيهن هنا
والسفر كله عمصر 4أسابيع باجازة سنة تانية عشان مادة التشريح والخبر الحلو السنة استغنوا عن هالشهر واستطاعوا بفضل الله تغطية المادة هنا كاااااااااااااااملة وأخذ المعمل
والمفارقة المضحكة للي بيقول ما في سفر بالاسلامية أنه الاسلامية ما أحد فيها حتى وصل لمواد متقدمة تستاهل سفر يعني كله دعاية
ثانيًا : الطب بالأزهر معروووف من أول يوم بالدراسة بتاخذ الخطة واللي هيها عندي يعني اذا بدك اياها ببعتهالك
والقاعات سهلة غير التحديد مبنى الكليات العلمية الطابق السابع بس بنصحكاش تروح هناك لأنوه ممنووووووووع على أي طالب يدخل مبنى الكلية الا من طلاب الطب واللي بدهم يسجلو واللي معروفين ومعدودين بالكلية
على فكرة المبنى حديث السنة اللي فاتت بعد نصها انتهو من تجهيزه بكل حاجة المبنى خاااااص جدا كله مصمم للكلية لدرجة أنه الكراسي في القاعات وصالات الانتظار محشوة عشان تناسب القعدة الطويلة للطلاب
وبعدين ليش انتا تهتم بالمظاهر الفاضية اللي ما الهاش أثر وأهمية الا عند الناس اللي جاية تتفسح عالجامعة
ثالثاً : الكتب والمناهج good point
الكتب على أخر طبعة ببعتولها من هنا عطلاب جامعة القدس اللي هما فرع من الكلية(التعليق تحت) وهما بيشتروها من الأردن وببعتوها عبر معبر كارني
حتى أبسط الحاجات اللي هياstethscopeالسماعة بيبعتولها من برة عشان يشتروها بالاضافة أنه في ميييزة رهيييبة بالتعليم أنه في أخر كل سنة هناك مجموعة شوامل بتتاخذ بالاشتراك مع الفروع التلاتة لكلية طب فلسطين (الأزهر القدس النجاح) وبيجيبو للطلاب external examiners مختبرين مختصين من بريطانيا عشان يمتحنو الطلاب عشان يضمنوا أنه معترف بيها من WHOمنظمة الصحة العالمية والاسلامية مش معتمدة هذا النظام ويمكن يكون السبب لأنها جديدة بالهلمجال الضخم لأنه حياة البني أدم مش ببلاش
وبعدين مين الأطباء معظم الأطباء تبعون الاسلامية دررسوا بالأزهر وبعد مفارقات فصلوهم
ومن الكتب الطبية
روبنز باثولوجي (علم الأمراض)
سنل أناتومي (علم التشريح)
لانج ميكرو بيولوجي (علم الأحياء الدقيقة)
كومار ميدسن (الباطنة)
الاميونولوجي رويتز (علم المناعة)
وكلهم معتمدين لدى USMLE على شهادة طب بالعالم المعااااادلة الأمريكية
واسألوا أكبر جامعات العالم شو تقييم الكتب هذه
اذا الاسلامية فيها أحسن من هالكتب يعني بتكون أحسن من أمريكا
طبعا هيا أحسن من أمريكا بس القصد بالعلم هيا مش أحسن هههههههههههههههه
رابعاً : هههههههههههههههههههههههههههههههههههههههههههههههههه ههه أحلى نكتة بالشمال
أنا ساكن بالشمال ووقت ما بدكم بأصور الأرض أوه سوري المدينة الطبية تبعيت الجامعة الاسلامية اللي بالشمال
هههههههههههههههههههههههههه مدينة طبية قال
هذا مشرووع مع وقف التنفيذ أو الغاءه
والأزهر اذا بدك أقولك زي ما بتقولوه عن الاسلامية عندها مدينة طبية بالشمال اذا بدنا نترك الكلام للدعايات والفشخرة بقوللك أنه الأزهر فيها مدينة طبية بالمغراقة لكن أنا أقولك الحق أنها بس مجرد أرض زي الأرض تبعيت الاسلامية بالشمال
واذا قارننا بتلاقي المغراقة في نص غزة يعني أقرب عالكل ههههه ولونها نقطة بايخة لكن أنتو بتقارنو
خامسًا : الكلام هذا صحيح في كل الجامعة معدا عند الطب وقفففففففففففففففففف لأنه طلبة الطب بيدهم يغيرو الدكتور مش بهالسهولة بس اذا الدكتور قصصر بيتغيير أو انتقم من الطلبة يعني ترسيب عالماشي أو اشي زي هيك
وبعدين في استبيانات توزع على الطلبة بعد كل مادة لتقييم الدكتور ومعرفة كيف أداؤه في شرح المادة
سادسًا : أه الاغلاقات والاضرابات هذي حلوة صح كلامك الأزهر عانت مؤخرا من الاغلاقات بس اللي ما بتعرفوش أنه كلية الطب كانت تدرس حتى لمن ضربو رئيس الجامعة يعني كرنيه الطب كان Vipم تتوقف الدراسة ولو يوم بل أحيانا درسو يوم الجمعة ومثال الدفعة سنة رابعة اللي طالعة هلقيت خامسة درسوا محاضرة الدكنور اتحاد شبير تشريح اليدين في سنة تانية يوم الجمعة لأنه صار في يوم ظرف طارئ فأخذو محاضرة تعويض
وكمان في أحد التعليقات في أول يوم في التعليق كانو لسا مش منسقين الهم دخول الجامعة وكان عليهم امتحان ومنعا لتأجيله راحوا قدمو الامتحان (امتحان تشريح المخ الدكتور محمد الكاشف واللي حيدرس المادة نفسها بالجامعة الاسلامية ) أخهذوه في قاعة المحاضرات بمستشفى النصر
ومعنى أنه الدكتور اللي درس بالأزهر حيدرس بالاسلامية يعني أنه الاسلامية تمشي على نهج الأزهر وكيف بدها تفوتها هههههههههههههههههه
سابعًا: هذي قد يكون الك فيها بس طلاب الطب طلاب معدلهم فوق ال 98 داخل الطب مش معقول يكون متعود يقعد يعاكس بالبنات في الشوارع وبعدين التعامل ضيق جدا يكاد يكون معدوم داخل الكلية فقط على شئون الدراسة وزي ما حكيت قبل ممنوع لطلبة الجامعة يدخلو كلية الطب


لاحظ أنا ما قدحتش بالاسلامية زي ما أنتا عملت لأنوه أنا بأحترمها زي الأزهر بالضبط
لأنوه هدفنا دعم التعليم بفلسطين مش انا نظهر عيوبه
واللي بده معلومات أكتر من هيك أنا مستعد أبعتله عالخاص ايميل طالب من الكلية أو طالبة بس ما ينشروش لأنه هذي ناس ما بتضيع وقت
وبالمناسبة أنا ثالث واحد بالأسرة والرابع بالعائلة اللي ان شاء الله أدرس طب بالأزهر
وبكرة بأكمللكم المميزات الموجودة بالطب اللي بالأزهر وكمان العيوب بس بشرط ألاقي رد على موضوعي

[imostfa]

الرجاء من جميع المشاركين في هذا الموضوع مناقشته باسلوب علمي متحضر بعيدا عن التعصب
والالفاظ التي لا تليق بمنتدانا المصون واذا استمرت المجاوزات سنضطر لحذف الموضوع

تحياتي للجميع

[_ايمان_]

والله ياأختي الكريمة اسمعي هالكلام من شخص ليس لديه أي انتماء


أولا : في جامعة الأزهر الدراسة لمدة سنة واحدة في فلسطين والباقي في مصر أو أي دولة ... بينما الاسلامية كل الطب في فلسطين ...

ثانيا: الجامعة الإسلامية من اول يوم في الجامعة بتعرف اللي الك واللي عليك ( جداول القاعات -مواعيد المناقشات - جدول الامتحانات النصفية -جدول الامتحانات النهائية - موقع على الانترنت كامل متكامل للتسجيل والتحويل .....
أما جامعة الأزهر ..... فلا يوجد شيء من ذلك

ثالثا: حسب كلام الأطباء فإن العلم الحديث الذي ستقدمه الجامعة الإسلامية أقوى من جامعة الأزهر ( الكتب والمناهج )

رابعا : المباني : الجامعة الإسلامية فيها مدينة طيبة كاملة في الشمال والأزهر بح ...

خامسا : دكاترة الجامعة الإسلامية عارفين وين ربنا حاططهم مش زي الأزهر كل واحد بياخد حقوا ..

سادسا : الجامعة الإسلامية خالية تماما من المشاكل سواء الحزبية أو غيرها ************************************************

سابعا: الجامعة الاسلامية غير مختلطة ( من ناحية شرعية كمان أحسن البنت فيها زي الدرة مصونة من العابثين والمتساقطين على النقيض **********************************

هذا ماخرج ولسا ماخفي أعظم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لا يجوز التشهير باي موسسة او جامعة

والنصيحة اليوم ببلاش ..........

بالنسبة للدراسة خارخ غزة فالسفلر كان لانو لايوجد مشرحةبغزة ونظرا لانو السنة الماضية كانت كلها غلاقات فالجامعة عملت مشرحة بالجامعة وصار ما في داعي للسفر وهادا منمصادر موثوقة
اما انك تعرف اللي الك واللي عليك فهادا شي يعني بسيط عادي اخواتي درسو بالازهر وعمرهم ما عانو من هاي المشكلة
ثالثا . الاطباء بجامعة الازهر اقوي ولديهم خبرة اكتر وخرجت اطباء اكتر من سنة اما الاسلامية فلم يسبقلها ذلك
رابعا.مبني الطب في الازهر كان قديم جدا واقدم مبني بالجامعة والسنة هادي نقلوهم علي احدث مبني واذا بدكم اسالو
خامسا . انا مش فاهمة شو قصدك واحنا ما بهمنا الدكاترة قد ما بهمنا تدريسهم وشرحهم
سادساو اذا علي الخلافات الحزبية فكلية الطب ليس لها علاقة ولما تسير خلافات وتعلق الجامعة كلية الطب بيفتحولها الباب الورا وبيدرسوا وكأن شئ لم يكن.
سابعا .البنت المحترمة وين ما كانت بتضل محترمة وكمان اكيد بدو طالب الطب يكون طالب مؤدب يعني ما بهمو الا الدراسة ومش فاضي لهيك شغلات
ثامنا.في جامعة الازهر ارخص كتير لانو سعر الساعةبالازهر 52 اما الاسلامية 70
بالاضافة الي انو جامعة الازهر بتقدم اعفاءات بالهبل
انا ما بعمل دعاية للازهر بالعكس انا كنت نفسي بالاسلامية لانو اغلب صحباتي فيها لكن بعد ما سألت كتير ناس وسألت بالازهر خياري 100% ازهر
والتوفيق للجميع

[_ايمان_]

سوري للاخ ديث نايت ماكنت قارية ردك
بما انك طالب طب يا ريت تحكيلنا اكتر عن الجامعة لانو معلوماتك ما شاء الله رهيبة
واذا ممكن تبعتلي علي الخاص ايميل احد خواتك لاني اموت واحكي مع بنت من بنات الطب لاني لهلأ ما قدرت اروح علي الجامعة واسألهم
مشكورين لكل الاعضاء اللي ساهموا بالهالموضوع
تحياتي

[ranoush]

نصيحة لك سجلي بالأزهر احسن بكتير الك زي ما حكو الأخوة انه الأزهر صاحبة خبرة اكبر بكلية الطب من الاسلامية
**************************************************
لذلك ادخلي على المضمون بالأزهر وانا الي صديقات بيدرسو طب بالأزهر وايام التعليقات والاغلاقات للجامعة ما بعلقوا وبيمشو عادي بالمنهج

لكن نصيحة لك بلا منه الطب راح يضيع عمرك على الفاضي هادول 7 سنين بدك تكوني متفرغة تفرغ كامل للدراسة وبعدين هي الأطباء قاعدين بطالة

صح انتي مستخسرة على المعدل لكن صدقيني على الفاضي خلص انتي شاطرة وعارفة حالك هيك وبتقدري تثبتي نفسك بأي كلية بتفوتها ويا ستي لو دخلتي اي تخصص تاني خلصي بكالوريس وبعدين كملي ماجسيتر ودكتوارة بتصيري دكتورة بمجال تخصصك
وبعدين انتي بشطارتك لأنك جايبة هيك معدل عالي راح تتفوقي بالجامعة بأي تخصص بسيط وممكن تصيري معيدة بالجامعة
شو بدك احسن من هيك بلا طب بلا هندسة بلا صيدلة والله يا عزيزتي على الفاضي صدقيني غير تندمي
انتي هلأ مش حاسة بحالك بس عشان لسه فرحة المعدل والتوجيهي ما خلصت بكرة بس تتورطي بالتخصص بتصيري تقولي يا ريت الي جرى ما كان

تقبلي ردي

[ياسمين ياسمين]

يا جماعة شو هالإحباط
يعني لأنه الطب صعب صار حرام ندرسه
أعشق الصعب ومستعدة لأن أتخلى عن كل شيء في هذه السنين السبعة وأتفرغ فقط للطب ودراسته فالراحة لا تأتي بالراحة و الشاعر يقول
لا تحسبن المجد تمرا أنت آكله لن تبلغ المجد حتى تلعق الصبرا
يا جماعة أنا رحت على الإسلامية وقابلت معيد الكلية هناك د. مفيد المخللاتي و قد شجعني للغاية على دراسة الطب في الإسلامية ورأيت بأم عيني إمكانيات الجامعة من أجهزة متطورة وحديثة تستخدم في أكثر جامعات العالم تطورا
ما يصدني عن الأزهر هو سمعتها للأسف آسفة لقول ذلك وأسفي لا يمكنكم تصور مداه ولكن ...
كيف يمكنك أن تبدع في جامعة لا ترتاح بها نفسيا وترى مظاهر لا تسرك من ..... و ......و..... والجميع يدرك بم يعبأ الفراغ
يا جماعة بكلامكم قبضتولي قلبي الله يسامحكم ما معنى أنه في حد منكم مش مرتاح بدراسة الطب أو حاسس أنه مش قد هيك كلية أنه يحبط غيره فالبشر قدرات
صحيح كلية الطب تحتاج لدراسة وتعب وسهر ولكن الدراسة فيها قمة في المتعة و مجرد تفكيرنا ببسمة على شفاه مريض قد خف ألمه كفيلة بأن تبث فينا الحياة من جديد وأن تلهمنا الصبر والثبات أثناء الدراسة
عانينا في توجيهي الكثير الكثير وبرغم ذلك والحمد لله تفوقنا
ألا يثبت ذلك أن بإمكاننا تخطي صعوبات الدراسة
لا يعني أن الأزهر أقدم أنها أفضل فبعض جامعات الضفة تدرس قبل الإسلامية بعقود والإسلامية تفوقها في مجالات معينة ليست المسألة بالخبرة وإنما بكفاءة المكان الذي إليه نتجه
يا جماعة
وين طلاب طب الإسلامية
وينهم
نحتاج لدعمكم ولنصائحكم
لا تبخلوا علينا
فنحن نحتاج لما في جعبتكم من أخبار
أفيدونا أفادكم الله
ياسمين

[طالب فلسطينى]

الاسلامية طبعااااااااا تدريسهااااا
انا باديك فى الالاسلامية واتوكل على الله
اصلا الازهر ما راح تقبل ****************************
*********************************

[E.Teacher]

السلام عليكم ورحمة الله وبركاته
اسمعي يا بنتي هذا الشي ما حد بيقرره غيرك انت الان بنت واعية وبتقرري مصيرك، ما في سهل الا النوم، من جد وجد، الغرب طلعوا عالقمر واحنا ما زلنا بنعصر جزر، انت بنت طموحة وين ما بدك بتقدري تدرسي اذا انت مرتاحة للاسلامية روحي عالاسلامية وبتمنالك التوفيق، بس بطلب منك طلب صغير وبالمعنى كبير صلي ركعتين استخارة لله عز وجل وسيري في طريقك واثقة من نفسك وان شاء الله تكوني دايئما متميزة

ملاحظة: لما توخدي الشهادة ان شاء الله وتصيري طبيبة لا تجعلي الدنيا اكبر همك وما تتخذي مهنتك تجارة مثل معظم الاطباء اليوم قطاعين روس الله لا يوفقهم

[manar]

انتي حرة هما نصحوكي شو يعملولك يعني خلص هاد مستقبلك وانتي حرة بلا دلع

[sezef]

أختي ياسمين ليوفقك الله فيما تختارين , لقد قررت و اخترت مسبقا في كلامك و الذي قلت فيه



يا جماعة أنا رحت على الإسلامية وقابلت معيد الكلية هناك د. مفيد المخللاتي و قد شجعني للغاية على دراسة الطب في الإسلامية ورأيت بأم عيني إمكانيات الجامعة من أجهزة متطورة وحديثة تستخدم في أكثر جامعات العالم تطورا
ما يصدني عن الأزهر هو سمعتها للأسف آسفة لقول ذلك وأسفي لا يمكنكم تصور مداه ولكن ...
كيف يمكنك أن تبدع في جامعة لا ترتاح بها نفسيا وترى مظاهر لا تسرك من ..... و ......و..... والجميع يدرك بم يعبأ الفراغ


اشعر من كلامك بانك تميلين للجامعة الاسلامية , اتكلي على الله و ليكن التفوق نصب عينيك إلى ان تصبحي طبيبة لامعة كما تتمنين,الجامعة الاسلامية جامعة منظمة و تعتبر الجامعة الثالثة على مستوى فلسطين , و هناك نقطة مهمة كلية الطب بالجامعة الاسلامية كلية جدييدة, بمعنى انك لو تفوقت بإذن الله -و لدي شعور بأنك ستبدعين فيها- فسوف يتم تعيينك كمعيدة في الجامعة, طبعا الضامن هو الله و لكن هذا احتمال قوي.
ادرسي في الاسلامية و توكلي على الله و هذه بعض المواقع التي ستساعدك في الدراسة:

www.hakeem-sy.org منتدى طلاب الطب في جامعة دمشق و هو اكثر من رائع

www.bartleby.com/107 موقع لمادة التشريح و هو لكتاب عالمي مشهور و يعتبر احد مراجع علم التشريح
www.medicalstudent.com

www.freebooks4doctors.com

www.easymedicine.net

اذا اعجبك ردي , ارجوك ان تدعي لي في صلاتك بأن اكون زميلا لك في كلية الطب العام القادم, سواء الأزهر او الاسلامية :cool:

[آلاء الله]

الطب في بلادنا هو واحد
بس حسب ما بأسمع إنو دراسة ودكاترة الأزهر أفضل من الإسلامية على اعتبار إنها صار عندها معيدبن كتير
بس الأزهر كتنظيم وأكاديمياً صفر بالنسبة للإسلامبة
بأعرف إني ما أفدتك بس هذى الحقيقة
ورأي روح على الأزهر على اعتبار إنها عندها خبرة أكتر في هذا المجال

[إيمان ولا بديل]

يا خيتي وازني بين كل شي اول شي انت منحة يعني ما بيهم السعر لكن بتفرق معك السفر وكمان نوعية الاساتذة والادارة _بس بدي اياكي تعرفي انه الطالب المميز الكل بيحطوا على راسه _ وكمان شو رغبة اهلك اي جامعة شايفين وعارفين انها الانسب وقبل كل هاد صلي استخارة والاهل كمان كتير افهم منا في التخصص والجامعة وكل شي مع عدم اهمال ذاتنا
الله يوفقك انا بشجعك عالطب والله الجامعتين نفس المستوى بالطب
إيمان

[جابر عثرات الكرام]

مَن يَأبى اليوم قبول النصيحة التي لا تكلف شيئاً .. سوف يُضطر في الغد إلى شراء الأسف بأغلى سعر
أفلاطون


العاصفة لا تكسر من الاغصان إلا يابسها
جبران خليل جبران

[deathknight]

يا أخ جابر عترات الكرام أنا الي في العائلة يعني أولاد عمي اللزم (اللي يحملو اسم جدي) 15 طبيب أو طالب أو طالبة طب و 5 صيادلة
يعني اذا بدك تقول انوه الطب مش كويس أنا أول واحد أكون عارف
فيعني الانسان واجتهاده ومثابرته وما في اشي بالهدنيا ببلاش

[deathknight]

على فكرة أنا مش طالب طب
أنا مخلص توجيهي السنة ومعدلي 97.8 و بدي أطلع برة بس بدي أسجل بالأزهر الأول
فيعني اذا كلكم سجلتو بالأزهر واكتفوا بالعدد مش حينزلو المعدل ومش حأسجل
فيعني أنا أحسن لي أنكم تسجلو بالاسلامية
بس أنا حكيت كلامي من باب النصيحة
واللي بده أي معلومة عن الجامعة يسأل وأنا بأقلله
أه بالنسبة للدكتور مفيد المخللاتي عميد كلية الطب بالاسلامية هوا نفسه اللي أسس طب الأزهر
وكن حصلت ظروف خلته ينشق و يأسس طب الاسلامية
لأنه طب الأزهر انعمل بمرسوم رأسي لمساعدة الطلبة اللي ما بقدروش يرجعو جمعتهم الأم االلي هيا القدس بسبب المعابر والانتفاضة (الجامعة الوحيدة اللي بها طب بفلسطين في هذاك الوقت) وطورت الكلية اللي أنتو شفتوها
الشهادة بالأزهر معتمدة دوليا ومدعومة من بريطانيا
طلاب الأزهر بيدرسو 3 سنين بالجامعة وبعدين سنة رابعة بالأوروبي وأظن هلقيت خلو بالشفا
وسنة خامسة بتاخد النساء والولادة بالشفا والأطفال بالنصر وهكذا وسنة سادسة كمان
يعني بعد رابعة كله عملي
أه كمان في كل أسبوع في سنة رايعة يوم واحد بالجامعة والباقي بالمستشفا
ولمن تخلص السادسة بتكون كأنك متخرج
بس لأنه الطب بيتطلب سنة الامتياز و هذا في كل العالم
انتا بتقدر تاخذ الامتياز وين ما بدك
يعني بعد سنة سادسة وين ما بدك بتاخذ سنة الامتياز حتى لو بررة في أي بلد ابتعترف بكليتك
وخلال هذي السنوات الستة الجامعة بتجيب أطباء من بريطانيا طبعا دكاترة
عشان يعلمو الطلاب
والدكاترة هذول بييجو عجامعة القدس وطلاب غزة والنجاح بحضروا هذي المحاضرات بالفيديو كونفرنس
بعدين اللي بيقللك أنه في أي حدا جاب جثة بلاستيك للتشريح هذا كلام مت بيخش العقل
لأنه هذي الجثة تكلف أكمن مليون دولار
ولكن لربما بالمستقبل القريب يحصلو عواحدة ان شاء الله
وبعدين علم التشريح-المشكلة الوحيدة بالطب في غزة الأزهر والاسلامية - اله تسهيلات كتييييرة ابتداءا من أسطوانات التشريح وانتهاء بالسكلتون طبعا معظم طلاب الطب عندهم سكلتون زي اللي عندنا في البيت (سكيلتون هيكل عظمي لانسان ميت)
وبالنسبة لايميل أخواتي ما بقدرش أحطو عالعام
بوما بعرف ليف ابعته يعني سوري
حأحاول أبعته برسالة خاص بس بعد ما يأذنولي المشرفين
وأنا متأسف جدا


بيضل شغلة واحدة أقولها هوا اللي بيدو يدخل طب يعني بده يتعب الأخ جابر عثرات كلامه في منه أنه الطب متعب جدا بس أنا بأظن أنه من واجب كل واحد بيجيب علامات امتياز عاليات جدا أنه يدخل طب لأنه حياة الانسان ما بتقدرش اسلمها لأنسان مش كفء يعني لازم ما تسيبوهوش لطالب جايب 70 بالمية
استخيرو ربكم والخيرة فيما اختاره الله








deathknight

[اليتيمة]

والله ياجماعة انا كنت متردد في طب الاسنان في الازهر بس هلأ الحمد لله تشجعت وان شاء الله خير وربنا يقدم اللي فيه الخير


بس ياجماعة خدمة لوجه الله اللي بيعرف كيف ممكن تصحلي منحة ياريت يساعدني لان محتاجة لمنحة

[ياسر عرفات]

السلام عليكم

والله الطب صعب كتير كتير كتير وانتو بدكم طب عشان انتو جبتو مجموع طب انا هيني جبت مجموع طب بس ولا عمري بفكر ادخل طب لانو على الفاضي عمر بجري على الفاضي

وعلى فكرة طب الاسلامية والازهر سواء ولا واحد افضل من التاني لانو اغلبهم نظري وليس عملي

بس الي بيستطيع انو يدخل طب يدخل لانو بكون مستواه طب

بس الي جاب المجموع عن حظ مابنفع يدخل طب لانو احنا عارفين شو صار السنة

وربنا يوفقك الجميع

[sezef]

والله ياجماعة انا كنت متردد في طب الاسنان في الازهر
اختي هو في طب اسنان في الأزهر؟
طب كام المعدل اللي بيطلبوه ؟ و قد ايه رسوم الساعة؟

[M89]

معدل طب الاسنان 97

[Gipsy]

مرحبا
بس سؤال زغير إذا سمحتو
قديش الواحد لازم يكون جايب معدل السنة عشان يدخل طب الأزهر ؟؟ و الدراسة كلها بغزة و لا جزء برة؟ و الشهادة معترف فيها عالميا ؟؟
نفس الأسئلة بالنسبة للإسلامية. أنا دورت في مواقعهم بس ما لقيت شيء. فالله يخليكم فيدوني , لأني كتير حابة أفوت طب.

[أبو أسد الجنيني]

85% علمي قد يقبل طب

[ياسمين ياسمين]

85% علمي قد يقبل طب

أخ أبو أسد الجنيني
من وين جبت هالكلام
شو 85 يعني نص العالم رح تفوت طب
أرجو التوثيق

[deathknight]

مرحبا
بس سؤال زغير إذا سمحتو
قديش الواحد لازم يكون جايب معدل السنة عشان يدخل طب الأزهر ؟؟ و الدراسة كلها بغزة و لا جزء برة؟ و الشهادة معترف فيها عالميا ؟؟
نفس الأسئلة بالنسبة للإسلامية. أنا دورت في مواقعهم بس ما لقيت شيء. فالله يخليكم فيدوني , لأني كتير حابة أفوت طب.

معدل الطب البشري بالازهر السنة فوق ال98 وطب الاسنان فوق ال97 طبعا هدا التسجيل بس القبول لاعلى ناس بتتقدم وبعد هيك ادا مااكتمل العدد بتنزل النسبة اما بالنسبة للدراسة فهي كلها بغزة ولاسنة برة انا بحكي بالنسبة للازهر لاننا مجربينه بس اما بالنسبة للاعتراف عالميا فكلية الطب بالازهر معترف فيها وهدا معروف لانها فرع من كلية طب فلسطين (الازهر القدس النجاح) والشهادة في النهاية بتختم من عمادة كلية طب فلسطين بجامعة القدس حتى انهم بياخدوا عاخر كل سنة امتحان شامل على كل مادة من جامعة القدس عشان الاعتراف ويضلهم فرع منها لانه بصراحة الازهر لسة ماخرجت غير 3 دفع تنتين منهم كانوا باديين اول سنة بالقدس وكملوا هنا وبالتالتة كانت دارسة من سنة اولى هنا ماحد فكر يكمل منهم دراسات عليا اما القدس فخرجت يمكن 7 دفع ابتعثت منهم كلية طب فلسطين ناس عبريطانيا كملوا دراستهم منهم ورجعوا وشغلتهم بفروعها الثلاث منهم الدكتور جهاد حماد دكتوراه بالفارماكولوجي ويدرس الان بفرع الازهر والدكتور اشرف صندوقة وتخصص باثولوجي وتوظف الان في فرع القدس وكمان واحد فارماكولوجي وتوظف في فرع النجاح غاب عن بالي اسمه بامكانكم تسالوا عن الدكتور جهاد حماد من وين تخرج ووين كمل ووين توظف على فكرة هو درس اختي الي طالعة رابعة
والشهادة الي حياخدوها طلاب الازهر هي مختومة بنفس الختم تاع شهادة الدكاترة الي كملوا ببريطانيا وتوظفوا هناالي هو ختم كلية طب فلسطين (الازهر القدس النجاح)

[deathknight]

اختي هو في طب اسنان في الأزهر؟
طب كام المعدل اللي بيطلبوه ؟ و قد ايه رسوم الساعة؟

ايوة فيه طب اسنان السنة حيفتحوه بالازهر ومعدله فوق 97% اما بالنسبة لرسوم الساعة سالت كتير في عمادة القبول والتسجيل كله قال لسة ماححدنا سالت الدكتور سمير اسماعيل منسق كلية الطب في الشئون السريرية قال انه زي الطب البشري يعني 52 دينار بالساعة
بس على فكرة في الازهر القروض متاحة لكل الطلبة بنسبة 75% ماعدا كلية الطب بنسبة 50% وتوزع القروض على الطلبة بالتساوي والي مامعه بيتاجل الدفع لعند مايصير معه بس لازم يدفع جزا من الرسوم عشان حجز الفصل

[_ايمان_]

اذا ممكن سؤال, كام طالب في كلية الطب تقبل جامعة الازهر ؟
وبدي اسال عشان امتحان القبول هل بنحتاج انا ندرسلوه يعني صعب ولا سهل؟
تحياتي

[Etoile]

السلام عليكم
انا حابة اقلك شو صار معي امبارح وانا كنت عم احكي مع بنت اختها بتدرس طب بلازهر وقالتلي انه اختها بتعاني كتيير لانه اصلا الطب مش تابع للازهر، تابع لجامعة ابو ديس بلقدس يعني الازهر مجرد مقر للتعلم
قالتلي انه الازهر مش مهتمة فيهم وكمان ما بتسأل فيهم وهلا صارلهم سنتين ما بيسافرو عمصر منشان مادة التشريح فتخيلي دكتور بدون ما يتدرب على هيك شغلات،، بلمقابل بتلاقي الاسلامية عم تفتتح مختبر للتشريح هنا بغزة
وهي المصدر


http://www.iugaza.edu.ps/ara/newsdetails.asp?newsid=2729

وهالشي بيثبت انه الاسلامية عم تبذل جهد كبير لطلابها
وسمعت كمان انه الاسلامية ما بدها اعداد كبيرة لانه بيهمها تخرج عدد قليل بخبرات كبيرة

وبتقدري تروحي علاسلامية وتسأليهم وتستفسري عن المعدل اللي بيقبلو منه طب (انا سمعت انه من98.5%)

وربنا يوفقك وكل اللي حابين يفوتو طب

سلااااام

[Etoile]

حبيت اضيف شغلة انه الاساتذة بلازهر كفاءة وخبرة يعني مش كله سلبيات

والله يوفقك

[سلينا]

انا بيد كلام الاخabu_groonومع الاخت محبة العلم
********************************************
فانا من وجهة نظرى فوتى الاسلامية احسنلك واتوكلى على ربنا
وربنا يوفقك
اختك فى الله وسااام

[ياسمين ياسمين]

يا جماعة على الإسلامية
توكلت على الله

[اليتيمة]

يا اخوان بدي منكوا طلب

ياريت اللي بيعرف يسأل في الأزهر اكم العدد المطلوب في طب الاسنان وهل هو اكتمل او ع وشك واذا في امل انو ينزل

ياريت تخبروني

[إيمان ولا بديل]

وانا كمان بدي طلب من اي معدل جامعة الازهر بتطلب للصيدلة

[هبة الله]

السلام عليكم ورحمة الله وبركاته و صباح الخير على جميع اعضاء المنتدى وعلى راسهم الاستاذ جهاد واشكره على جهوده الطيبة طوال العام انصحك اختي الكريمة الطب في الجامعة الاسلامية افضل

[ياسر عرفات]

يا جماعة حددوا كام طالب لصيدلة بدهم و كم عدد طبيب اسنان

[اليتيمة]

ياريت حدا يفيدنا ياجماعة

لا وموقع الأزهر ما بفيد بالمرة الحمد لله والشكر

[أنين الجرح]

ارجوكم ثم ارجوكم حدا يقلي اذا بعرف عن طب الاسنان اللي فتح جديد بالازهر انا خايفة كتير لانو سمعت لا في طابق مخصص ولا معدات اجت ولا بنعرف مين عميدها ولا من مين ماخدة التعريف والمشكلة مش عارضين في موقع الازهر اي شي عن الموضوع ولا شي ,,,,,,انا كتير خايفة انو يكون مجرد منافسة بين الجامعتين انو الازهر فتحت الاسنان منافسة مع الاسلامية كلام كتير عم يدور وما بنلاقي اجابات اذا حدا بيقدر يعطي اجاباااات بليييييييييييز خبرونا يا جماعة

[ajt89]

بسم الله الرحمن الرحيم
انا طالب طب بالجامعه الاسلاميه
والحمد لله انهيت سنه اولى بمعدل تراكمي جيد
الطب في الاسلامية افضل
احنا عنا مختبرات طلبة الأزهر بتطلع عمصر تتعلمها
والحمد له امبارح كان عنا افتتاح مختبر التشريح الأول في فلسطين في الجامعه الاسلامية
بعدين عميد كلية الطب في الأزهر هوه هلقيت عنا
يعني نقل
كما إنو دكتورين من افضل الدكاترة انتقلو من الازهر للاسلامية وبدرسو عنا
والطاقم التدريسي ممتاز والحمد لله والمختبرات وكلو تمام
بس بضل نو الساعه اغلى من الأزهر
عنا ساعة الطب 70 دينار
وأي ؟أسئلة انا جاهز

[ياسمين ياسمين]

أخ ajt89
أنا في قمة السعادة لأنه وأخيرا وجدت من يناصرني ووجدت طالبا من طلبة طب الإسلامية في المنتدى
رضي الله عنك
يا ريت تعطينا معلومات أكثر عن الطب في الجامعة والكتب والمواد الدراسية من وين مصدرها و هل الامتحانات تعتمد على الحفظ أم الفهم وعلى الجانب العملي هل هو موجود أم لا وعن مستوى الدكاترة والأساتذة في الجامعة وهل أنت مستمتع بالدراسة وهل تحتاج دراستك إلى "مخ" أم تعتمد على الحفظ فقط
أفدني أفادك الله وسدد خطاك

[_ايمان_]

اه صحيح هلأ عرفنا مميزات كل من الجامعتين بالطب
صار لازم نعرف شوية عن الطب وكام ساعة بتحتاج للدراسة في الايام العادية
وهل دراسة الطب زي دراسة توجيهي ولا اسهل؟
وبدي اسال للبنات بعد ما نتخرج كيف بيكون الدوام بالمستشفي غالبا؟
تحياتي

[mom2007]

والله من غير حرج الطب في جامعاتنا فشاااااااااااااااااااااااااااااااااااااااااااااالة مش شايفين الطب
في الدول الأجنبية متل المانيا بالله ماتتكلموا
لحقوا مدرسين الطب في الاسلامية او الازهر يجيبوا مختبر تشريح كمان يا أخ ajt89
انت سنة اولى يعني سنة اغلبها مواد علوم
عشان حيك للي بدو يتعلم طب مش في بلادنا
لازم يطلع على بلاد الغرب لانو هناك العلم وكمان احكولي ليش للي بدو يفحص او يعمل عملية لازم يطلع على اسرائيل او غيرو وين الاطباء اللي يعالجوا اذا مافي اطباء يعالجو هل حايكون في تدريس كويس مابفهموا حاجة مع احترامي الشديد الهم

[manar]

انا والله بدي احكي من زمان كده يا mom2007بس الوااااااااااااحد مش عارف الناس بتموت عنا من ورا الدكاترة بخربو الواحد واسرائيل بتزبط خخخخ مسخرة هو الواحد يشوف دول بره بعدين يحكي وبلاش نقعد نضحك على حالنا مختبر ومدري شو عشاااااااااان هيك عمرنا ما ننتصر لانو لابسين توب اكبرمن توبنا وبننفخ بحالنا عللى الفاضي بدك تدرسي طب وحاسة حالك بتبدعي هااااااد والله منانا بس بررررررررررررره

[أنين الجرح]

ليش يا جماعة انتو كتير يأسانين انا بشهد للجامعة الاسلامية التعليم الرائع وانا كنت بتمني انو ادخل فيها طب بس يا خسارة جبت 97.1 وعم بسعي في الازهر هلا ,اخت منار انتي كتييييييير متشائمة الاسلامية كل كتبها من برة من دول اوروبيةيعني مش حتفرق كتير من ناحية الدراسة من ناحية العملي الجامعة كتير مهتمة بهادا الشي وان شالله بتحسن الوضع كمان وكمان ،اخت يأسمــــــــــــــــــــــــــــــــــين الف مبروك علي معدلك الحلو وان شالله بالتوفيق بالجامعة انا كتير بشجعك في الاسلامية اختي بتدرس طب في الاسلامية واخذت امتياز والحمدلله وما تقلقي من ناحية المنح المنح شغالة علي طول بس بدها دراسة كتييييييييييييييييييييييييير وتعب واذا انتي بتقدري علي هيك ادخلي واتوكلي علي الله الجامعة روعة بكل معني الكلمة وحيعلم في السنة التانية الدكتور محمد جودة والكاشف وكتير من الدكاترة الكبار فبالتوفيق وان شالله لو الي حظ منتقابل بالطب بالجامعة اذا الي نصيب انهم يقبلوني , واذا اي حدا بقدر يعطي اي معلومات عن الازهر يا ريت بلييييييييييييز ا

[the scorpion]

السلام عليكم ورحمة الله وبركاته.....
أخوكم أحمد مرتجى الحاصل على معدل 98.7 في الثانوية العامة - علمي والحافظ لكتاب الله والحمد لله.
اخواني حبيت أكت هذه المقدمة عن نفسي وبفخر ولا تكبر لان اللهاعطان فهما وعقلا كثيرا والحمد لله.

نصيـــــــــــــــــــــــــــــــــــــــــــــــ ـحة للجميع ........
أرجوكم أرجوكم أرجوكم لا أجبركم على كلامي لكني والله من المقتنعين اقتناعا جازما بصحته .
الكلام موجه اليك أختي ياسمين الشرفا أولا مبارك والف مبارك لانك سبقتيني (ههههههههههههه) وبعدين أنا اقل يا أختي اختاري ما أنت مقتنعة فيه اقتناعا تاما ولك رغبة عمياء فيه متجردة من ضغوط الأهل والمعدل ............
وخذي بالاسس العلمية (أنصحكي أن تحضري حلقة اليوم على فضائية الاقصي الساعة 9.30 مساء لانو سيريحك كتير)
وبعد ذلك استخيري اكثر من مرة وتوكلي على اللله لا تسمعي للمحبطين فلا تنسي ان الناس اراء وافكار
يقول عز وجل(وهو الذي جعلكم خلائف الارض وجعل بعضكم فوق بعض درجات ليتخذ بعضكم بعضا سخريا..)
أنا رايي الجو النفسي يؤثر أكثر من التقدم العلمي للجامعة وانا جاهز لمناقشة اعتى العلماء بهذا الكلام!!!
جامعة الازهر عريقة قديمة لها ماضي وحاضر ولكن... أخوتي ثلاثة يدرسون في الازهر .
لا شك ان الازهر متقدمة على الاسلامية بالطب (علميا) ولكن ليس بكثير كما تتوقعين يعني ممكن باجتهادك تكوني أفضل من طالب الازهر .
الأزهر سوق بمعني الكلمة مع احترامي الشديد للجامعة وطلابها لانظام ولا عدل في العلامات ولا أخلاق عاليةولا مظهر حضاري ولا جو نفسي مريح (جو المدرسة أحسن منو).
لا حرج هذا هو الواقع وافهمو جملتي السابقة (الي تلاتة اخوة في جامعة الازهر).
أنا جاهز لاي اضافات لكني طولت عليكي اي استفسر انا جاهز لاقناع الحجر بحول الله وتوفيقه فقط.

[Tichoo]

السلام عليكم
انا سمعت انو الازهر بتعطي منح اكتر من الاسلامية..وانو المعامل تعت الاسلامية افضل لكن خبرة الازهر بالطب افضل..
انا خايفة من جهة طب الاسنان انو يطلع مقلب..
وسمعت يا ياسمين من بعض الناس انك سجلتي تجارة انجلش لانو ما في منح وانا تفاجأت كتير..
يا ريت حدا يريحني لاني لهلا مش عارفة شو ادخل ولا حتى احجز مقعد..بكرة لازم انزل عالجامعة واسجل قبل ما تروح عليا..بليز حدا يجيبلي معلومات عن طب الاسنان بالازهر..ويا ريت ما يكون شخص بيحكي من عنده ومجرد انو متحيز للجامعة الاسلامية..

[ajt89]

اخت ياسمين
الطب في الجامعه الاسلامية بالنسبة للمستوي العربي ممتاز
اما بالنسبه للدول الجانبيه فبطبيعة الحال مش حيكون زي المانيا او امريكا او هيك
الكتب
:
بالنسبه النا احنا
اخدنا كتب سنه اولى كلها مجانا منهم ممع العلم انو لو بدنا نشتريهم بكلفو تقريبا 1300 شيكل لإنو اصليه
بس لو همه ما اعطوكو كتب انتو عحسابهم فاكيد حيخللوكو اتصوروهم عحسابكو ومش حتكلف ولا اشي
يعني الكتاب ب 20 شيكل او 40 وهيك اشي
بالنسبه للامتحانات:
الصحيح انو الجامعه بدها اتطلع طالبه متميزين في الطب
فامتحاناتهم بدها فهم وحفظ مع بعض
يعني فيه اسئلة بالامتحانت سهله واسئلة متوسطة بس فيه برضو كبشة اسئلة فيها لف ودوران وهيك
بس اوزا اماجوبتي ولا واحد منها ما راح تسقطي بس مش حتجيبي معدل ممتاز
يعني بعتمدو عالفهم وشطارة الطالب
بعدين انتي ماشاء الله يعني جايبه معدل عالي فلازم يكون مخخك نظيف والا كيف بجبتي هيك معدل

الجانب العملي/:
المعامل والمختبرات موجوده وطلبة الأزهر ما بياخدو ولا اشي من المعامل اللي احان بناخد فيها وانا سألت والله
وللعلم اخر موقفف اعجبني من الاسلامية انو لقيت طالب معاه كتاب نفس كتاب مادة المصطلحات الطبيه عنا بس مش ملون فبسألو من وين
حكالي انو من الأزهر وصورولهم هاده الكتاب جديد مع انو الازهر الها زمان بتدرس طب
يعني اخدو من كتبنا وصوروه

المهم
بالنسبه للدكاتره:
معظهم بروفيسورات ومخلصين من بريطانيا والمانيا وامريكا
وفيه من الاردن وفوفيه واحد من تركيا

المعيدين عنا للعلم كانو حاصلين عالمرتبه الاولي بجامعة الأردن اللي اتخرجو منها ولما قدمو امتحان العمل هنا ومزاولة المهنة:
حصلو عأفضل المراتب

انا مستمتع بدراستي
لما دخلت كنت قرفان وهيك ومش طايق من المواد وانجليزي اللغه وهيك
بس لقيت انو لما الواحد يعرف علم عن نفسه وعن ايش فيه جواه وخلقة ربنا
فأنا والله مستمتع جدا
بس شويه امتحاناتهم بخبص فيها
لإنها شويه صعبه يعني مستواها عالي



هلأ: اخت ايمان
بالنسبه للدراسه
طبعا اصعب من توجيهي
توجيهي مرحلة تافهة بالنسبه للجامعه
الجامعه بدها دراسه ويهك
يعني عشان اتجيبي معدل جيد جدا انو فوق 80 او 85 معدل تراكمي في اول سنه
بدك كل يوم دراسه حوالي 4 - 6 ساعات

فيه طلاب معدلهم التراكمي 80 وماكان ويدرسو بالمرة
بس مخهم نظيف
للعلم الطب كلو اسماء وهيك ومصطلحات طبيه وبدو مخ نظيف وحفظ
كمان انو فيه حجات بدها فهم


بالنسبه للأخ mom2007
سنه اولى عنا نظام عالمي
يعني الفصل الأول بس علوم: كيمياء وفيزياء وكيمياء عضوية واحياء ومصطلحات طبية ومتطلبات جامعه

اما الفصل التاني: فكلو مواد طب :علم وظائف الاعضاء
biochemistryكيمياء حيوية
anatomyعلم تشريح
وكل وحده الها معمل معها
بالاضافه الها
مادة احصاء وبحث علمي واكم من متطلب جامعي

هي كل المعلومات واي استفسار اكتبو وانا بجاوب ومعلش عالتاخير

بعدين اي حد بدو كتب او هيك او ملازم انا جاهز وكل الطلبه والطالبات في الجامعه جاهزين
بس ديو بالكو يا بنات فيه عنا طالبات بالطب ممتازين جدا وعقليياتهم رهيبه
ازا انتو بجد جبتو المعدل بشطارتكو فوفو عنا واقبلو التحدي

[ajt89]

ملاحظه اخرى:
للي بقولو انو الخبرة في الازهر احسن من عنا
كلامهم ممكن يكون صح لغنو الأزهر اقدم
بس عميد كلية الطب بالأزهر سابقا ودكتور الفسيولوجي اللي حصل على درجة بروفيسور العام الحالي نقلو من الازهر لعننا
فمدامها اجحسن ليش نقلو

انا واالله ما بشكر بجامعتي بس بجد الاسلامية من حيث النظام وهيك بتحسها جامعه

بالنسبه للمنح
اعتقد انو الأزهر بتطلع منح اكتر من الاسلامية عهوى الدعم وهيك بس المنح الرسمية زي بعض يعني نص ونص التنتين زي بعض
بس منح من اضخاص وهيك يمكن الازهر
بس هاده اكيد قل بعد محماس مسكت الحكومة

عالعموم الله ما بنسى حده وانا جاهز للاستفسارات

[Tichoo]

هلا كيف ما في معدات بالازهر والهم سنين اما الاسلامية اللي بس سنة فيها معدات اكتر..اسفة بس بجد مش كاينة تدخل براسي!!

[mom2007]

انا لا أنصح كل فتاة بدخول كلية الطب لانو ضياع لعمرها وخاصة في مجتمع متخلف زي مجتمع غزة

ثانيا يا أخي لم تدرس سوى سنة واحدة لم تعرف شيء حتى الان عن الطب وما يلزموه
بالبلدي مافي طب ولا تعليم كويس في غزة الفشاااااااااااالة خاصة والوطن العربي عامة

اكررها للي بدو يدرس علم فقط عند اهل العلم بلاد الغرب وطبعا للبنت صعب جدا جدا جدا تطلع تتغرب

اما للي بدو القاب فهو حر لانو ممكن سهل جدا اي فاشل جايب في التمنينات او السبعينات يطلع يدرس في 6 اكتوبر في مصر
يعني البلد امتلا اطباء فاشلين

وهادا كل ما لدي

[manar]

صحححححححححححححح ألقاب احنا بس بدنا القابونا مع mom2007مية بالمية لانو صاحبتي هي ما بدها طب مع انو بطلع الها ال شو يا بابا فوتي طب لانو بريستيج خخخخخ بريستيج حلوة هاي بضلو اسمك طبيبة هااااد كلام فاشل خلينا صريحين بدهم طب بس علشان المنظرة مش التعلم بعدين الناس طلعت القمر واحنا بنفكر نفوت طب بالازهر ولا الاسلامية هههههه يا شيخ نروح نصحى ياسمين بدك تدرسي وانا عارفاكي منيييح من زمان كنا بنفس المدرسة انا عارفة انك رح تتفوقي بالطب بسسسسس برررررره بعرض الله اطلعي بره وعلى قولتك روح على ستة اكتوبر بتصير دكتور سلااااااااااااااام

[ياسمين ياسمين]

يا جماعة
لا إله إلا الله
الوطن هو الوطن
وغزة هي غزة والأهل هم الأهل ولن أستبدلهم بأي شيء كان
الغربة علي صعبة وفي ظروفنا الكارثية هي أصعب والسفر بمثابة خيال بعييييييييييييييييييييييييد جدا بالنسبة لي
أنا واقعية ولن أفكر في غير غزة
وإن شاء الله قررت أن أدرس الطب في الإسلامية لأن جوها يريحني ويشعرني أني في "جامعة" لا في شيء آخر
ذهبت اليوم هناك ورأيت طالبات الإسلامية ورأيت السعادة في وجوههن وعيونهن
أدهشتني علاقاتهن الرائعة مع أساتذتهن ومع بعضهن
هن أسرة واحدة مترابطة يجمعهن احترام وود
الإنسان يبقى إنسانا وإن كان في القلب إرادة فما من شيء بوجهه يستطيع الوقوف
بالإرادة بإمكاني بعون الله وتوفيقه أن أكون
بعون الله سأمضي
لن أسمح لليأس أن يتسلل إلى قلبي كما تسلل إلى قلوب الكثيرين فأعماهم عن رؤية النور
لا تسمحوا للسواد أن يغشي أعينكم
إياكم فشبح اليأس يطمس كل نفس في الحياة
إياكم أن تستهتروا بجامعاتنا وبطواقمها
فنحن شعب فلسطين
أهل العلم والعلماء
تؤلمني نبرة اليأس التي ألمحها في كلام الكثيرين
توكلوا على الله
من كان يظن أننا سنجتاز توجيهي العام بكل صعوباته ؟؟؟؟
الحمد لله اجتزناه
وسنجتاز ما هو أسهل منه أو أصعب
لأن الإنسان يبقى إنسانا
هو من الظروف أقوى
توكلوا على الله
هو معكم
فلا تقتلوني ببعض ردودكم التي تقتل في الأمل
أخت منار
حاولت أن أعرفك وأنا أشك في الموضوع هل عائلتك تبدأ ب " الر" لمحيلي كي أعرفك
أخ أحمد مرتجى
سعيدة بردك وأود أن أعلمك أني في آخر مرة رأيت فيها عائشة الشوا رحمها الله كتبت لي بعض الأسئلة التي كنت توصلها لها عبر ابن عمها كي أحلها في مادة الفيزياء وأخبرتني أنك إنسان مجتهد وذكي وأنها تتوقع منك أن تحصل على مجموع مشرف كالذي حصلت عليه تماما هذا فقط لنذكرها ولندعو لها بالرحمة
رحمك الله يا عائشة
قولوا يا جماعة
لا إله إلا الله
وامضوا
لا إله إلا الله

[ajt89]

على خير يا اخت ياسمين سجلي واتوكلي على الله واي مساعده احنا جاهزين بس على الله نسمع اسمك من المتميزين السنه الجاييه في كلية الطب وانا حكيتلك مميزات ومساوئ الاسلامية والازهر

بالنسبة للاخ mom2007
يااخي انا لا بدافع عن الجامعه ولا عن تخصصي . انا حكيت من البدايه انو الدراسه بره افضل بالف مرة خاصة بامريكا او المانيا او الأردن بس بالنسبة لفليطبن ومصر وسوريا وهيك فجامعتنا الاسلامية بتعادلهم وبتتفوق .

وبالنسبه للاخت اللي مستغربه من انو الأزهر ما فيها معدات/: انا بطلب منها انو تروح على الازهر والاسلامية قسم الطب واتشوف المعدات هان وهان وهيه لحالها تحكيلنا شو شافت

[أبو النورس]

طب الاسلاميه لديهم مختبرات مجهزة من عشر سنوات
ومعترف فيه دوليا
والهم مبنى خاص
وامكانات رائعه
وفتحوا مشرحه قبل يومين
توكلي على الله

[رياح]

هههههههههههههههههههههههه
بجد بضحك ع كل التعليقات الى للاسف مو حابة احكى شى خطا
لانى مابحب اخلى سمعة المنتدى تسوء
************************************************** ***
ع العموم محيرين حالكو ع شى تافه
انا الحمدلله نجحت وجبتها مجموع عالى
صحيح انى متحيرة بس مو متلكم هيك ع طب وهندسة
انا مابحب شى من هاد
بس شو اعمل مجموعى العالى خلى الاهل يزنوا على ادخل هندسة او طب
انا الاتنين بكرههم بس احتراما للاهل ولرغبتهم
قررت ادخل حاجة اسمها هندسة زفت مزفتة
وراح اضيع من عمرى خمس سنين والله ظلم
بس يهون كرمال الاهل زى مابيحكوا السوريين
تحياتى للجميع
خصوصا ايمان وياسمين واكيد راح نلتقى بالاسلامية ادا دشتوها
************************************************** **********
المهم انكم ضحكتونى والله من تعليقاتكم
اسفة ع كلامى بس حبيت احكى الكم انكم فرحتونى
سلااااااااااااااااام
مع تحياتى
رياااااااااح
مع اجمل عاصفة
التلويح بشتم الاعضاء هو شتم بحد ذاته
ارجو انتقاء الفاظ ارقى

[ajt89]

نصيحه لوجه الله يا رياح
ماتفوتي تخصص انتي ما بتحببيه لا عشان اهل ولا عشان غيرو بعرف كتير دخلو هيك تخصصات ما بحببواه عشان اهلهم بس وما جابو اشي وما نجحو ولا ابدعو
يعني فويت تخصص بتحببيه لإنو الجامعه مطوله بس لو محتاره في تخصصين اسمعي كلا ماهلك

[seldom1]

معاملة الجامعة الاسلامية *********** انا بحكي عن تجربة الي 3 اخوات فيها وانا الرابع بس دخلتها عشان التخصص (ايش اجبرك علي المر قالوا الامر منه ) المعاملة هي المر

[rash89]

يا جماعة وحدوا الله و اتقوا الله في كلامكم
شكله الانقسام السياسي بين حماس و فتح انتقل الى هذا المنتدى
انا اختى السنة الجاية سادسة بالازهر
و بتضحك ع الكلام اللي بينحكى
و بتنصحكم اللي بدوا يدرس طب و مقتنع يدرس و ما يهموا كلام فلان و علان و وين يدرس اذا بيطلعلوا ع الاردن او اليمن او باكستان او تركيا فممتاز و اذا لا يتوكل ع الله
ازهر او اسلامية مش كتير فرق
بس بدي انوه لانه قصة المعامل بكل غزة ما في كلية طبية مؤهلة بمعامل
و بعدين طلبة الطب المعامل ما كتير بتفرق معهم بالعلم
بس بتديهم شعور افضل
لكن كل الحمل ع الطالب يجتهد و على التدريب العملي
اللي ما رح يفرق بالازهر عن الاسلامية

[dream]

الطب بغزة مش هالئد
معك منحه اطلعي برا
حد بصحلوو

[نانا]

مرحبا
ياجماعه انتو عن جد كتير محيرين حالكو بس على شو
اللي بمخو شي وناوي على شي ينفذوا ويتوكل على ربنا وربنا راح يكون معو
وانا الحمدلله خلصت توجيهي السنه وجبت معدل الحمد لله كتير منيح وقررت انو ادخل طب
مع انو كتير ناس عارضوا وكمان اهلي لاسباب كتيره بس اتحديت الجميع وسجلت طب لانو انا بدي هيك من زمان مو لانو الناس بدها هيك وعلى فكره الازهر والاسلاميه كل التخصصات بيواجه الطالب فيها صعوبه مو بس الطب مع انو امكانياتهم منيحه بس كل شي الو عيوب ومميزات وانا سجلت طب
بس لانو مؤمنه بشغله وحده بس انو اللي بيحب شي ومتاكد انو راح يبدع فيه
لازم يدخلو لانو رح يستمتع بلشي اللي اختاروا احنا هلاء صرنا كبار وبنقدر نتحكم بقرارنا وبمصيرنا وزي مااخترنا الطب كمان لازم نتحمل صعوباتو لانو احنا اخترناه ولازم نامن بشي واحد مادام احنا اخترنا شي حابينو اكيد راح نستمتع فيه.
ومايرد على اي حد لانو هو اللي راح يدرس وهاده مصيرنا احنا مانتركو لحد يتحكم فيه
وانا برايي اي جامعه مو اشكال لانو وين مكان ببلادنا في صعوبات بس المهم انو نكون مؤمنين بلفكره
اللي حنا ناويين عليها ومدام ربنا معنا لازم نكون قويين ولازم نعرف انو مافي شي بيجي بالساهل كل شي بدو تعب يعني ياجماعه بدكو تطلعو اطباء من غير تعب اكيد لازم نتعب وندرس وربنا معناااااااااا
هاده رايييييييييييييي

وكل واحد اكيد بيقدر يقرر مصيرو
ويتحمل الشي اللي اختاروا ولازم يكون قد اختياروا

والشي بيرجعلكو

[محمد نصر فحجان]

يا جماعة شو هالإحباط
يعني لأنه الطب صعب صار حرام ندرسه
أعشق الصعب ومستعدة لأن أتخلى عن كل شيء في هذه السنين السبعة وأتفرغ فقط للطب ودراسته فالراحة لا تأتي بالراحة و الشاعر يقول
لا تحسبن المجد تمرا أنت آكله لن تبلغ المجد حتى تلعق الصبرا
يا جماعة أنا رحت على الإسلامية وقابلت معيد الكلية هناك د. مفيد المخللاتي و قد شجعني للغاية على دراسة الطب في الإسلامية ورأيت بأم عيني إمكانيات الجامعة من أجهزة متطورة وحديثة تستخدم في أكثر جامعات العالم تطورا
ما يصدني عن الأزهر هو سمعتها للأسف آسفة لقول ذلك وأسفي لا يمكنكم تصور مداه ولكن ...
كيف يمكنك أن تبدع في جامعة لا ترتاح بها نفسيا وترى مظاهر لا تسرك من ..... و ......و..... والجميع يدرك بم يعبأ الفراغ
يا جماعة بكلامكم قبضتولي قلبي الله يسامحكم ما معنى أنه في حد منكم مش مرتاح بدراسة الطب أو حاسس أنه مش قد هيك كلية أنه يحبط غيره فالبشر قدرات
صحيح كلية الطب تحتاج لدراسة وتعب وسهر ولكن الدراسة فيها قمة في المتعة و مجرد تفكيرنا ببسمة على شفاه مريض قد خف ألمه كفيلة بأن تبث فينا الحياة من جديد وأن تلهمنا الصبر والثبات أثناء الدراسة
عانينا في توجيهي الكثير الكثير وبرغم ذلك والحمد لله تفوقنا
ألا يثبت ذلك أن بإمكاننا تخطي صعوبات الدراسة
لا يعني أن الأزهر أقدم أنها أفضل فبعض جامعات الضفة تدرس قبل الإسلامية بعقود والإسلامية تفوقها في مجالات معينة ليست المسألة بالخبرة وإنما بكفاءة المكان الذي إليه نتجه
يا جماعة
وين طلاب طب الإسلامية
وينهم
نحتاج لدعمكم ولنصائحكم
لا تبخلوا علينا
فنحن نحتاج لما في جعبتكم من أخبار
أفيدونا أفادكم الله
ياسمين


الحقيقة الي اغلب الي بيدخلواطب بس عشان كلمة دكتور
و ما في وظائف
و انا شخصيا بعرف دكاترة بيبعوا جرابين بسوق السبت
الحقيقة الطب ضياع للعمر عالفاضي و ما في الي يقدر

[nfd]

مرحبا للطالبة الخريجة

وألف مبروووك لنجاحك وعقبال النجاح بالجامعة بإذن الله

كتير منيح أسئلتك واستفساراتك

وبيكون أفضل إلك لو ما اعتمدتي على الإجابات بشكل كلي

لأنه ياعزيزتي زي ما قلتوا ما حد بيقول عن زيته عكر

فالكل راح يمجد بجامعته ويسيء لغيرها

وهدا ما لا نقبله من شعبنا الواعي

لكن أدعوكي للتحدث لطلبة الطب الذين تخرجوا من كلية الطب

لتعرفي ما هي نقاط القوة والضعف وما يناسبك وما لا يناسبك في الدراسة

وبصراحة أنا لدي شيء من الموافقة مع رأي الأخ اللي قال بلا طب وبلا هندسة

ما بتعرفوا الظروف لوين راح بتودي البلد

لكن تدرسي مادة عادية راح تبدعي فيها إن شاء الله

وتخرجي بتفوق

لأنه اسألي الخريجين من الطب(0 وكل الكليات ) صدقي راح ينصحوكي باللي قلته

بتمنالك التوفيق

وتحياتي
nfd

[وزوز أنا]

إلى الأخ أبو قرون وإلى غيره من من تطاولو على جامعة الأزهر واعابوا بها

************************************************
************************************************** **

أنا درست بكالوريوس بالجامعه الاسلاميه وعارف شو يعني الجامعه الاسلاميه واذا بدك تعرف روح اسأل كل سنه أكم طالب بيحول من الجامعه الاسلاميه على الجامعات الأخرى أنا بسنتي سنة 2000 اللي حولو من الجامعه الاسلاميه على الجامعات الأخرى من التجاره بس فوق 40 طالب

وما في جامعه كامله متكامله من كله كل جامعه والها مزاياها وعيوبها

***********************************************

والأزهر فيها بنات أشرف من كل الأمه تعتك زي ما في الاسلاميه كمان اللي بدي أوصله أنوا البنت المحترمه واللي بدها اتصون نفسها بتصون واللي بدهاش ما في شي بيمنعها

ومن الآخر عشان أنا بدي انهي لأنوا الموضوع بجد أقرفني وخلاني بدي أرجع أنا بطلب من كل واحد تطاول على أي جامعه أنوا يقدم اعتذاره ولا أحد يمتلك الحق بانه يشوه سمعت جامعه الك تنصح وبس أما إذا كانت النصيحه هيك فبلا منها

أنا اليوم قسما بربي نصحة بنت اتروح جامعة الأقصى لا الاسلاميه ولا الأزهر ومارضيت أحكيلها ليش ولما أصرت اعطيتها مثل واحد من اللي شفته ***************وللعلم هيه عضوع معنا بالمنتدى علشان ما حدا يقول بيألف

واكبروا عاد وبيكفينا وسبونا من الكلام الفاضي

وإلى أختي اللي سألت نصيحه مني ما بدك لا الطب والا الهندسه لأنوا رح تتعبي بحياتك لقدام فكري بشي يريحك لقدام مو يتعبك ونصحك أخ قبلي والك حرية الاختيار أما بالنسبه الاسلاميه والا الأزهر
فأنا كل اللي بعرفه أنو الأزهر الها 3 سنين فاتحه طب وخبرتها أكتر واذا بتريدي بعطيكي رقم بنت جارتنا بتدرس طب سنه خامسه بالأزهر وهيه بتفيدك أكتر مني ومن غيري

لكن نصيحه مره تانيه ما بدك الطب والا الهندسه نشاف ريق في الحياه المهنيع مش في الدراسه كل التخصصات بدها دراسه وما في حدا بينجح من غير دراسه فنصيحه شوفي مجال تبدعي فيه أكتر من الطب والهندسه اطلعي للمستقبل لا تطلعي بين رجليكي والا خالحين اطلعي بكرا لما اتخلصي كيف بدو يكون دوامك شفت بليل وبنهار
ومتى ما بيطلبوكي بدك اتروحي
بكرا ان شاء الله بتتزوجي عندك زوج وأولاد مسئولين منك فكري بالموضوع منيح واختاري والله يوفقك

وبتمنالك التوفيق من كل قلبي

وياريت اسمع كلمه من مدير المنتدى بخصوص هالموضوع

وتحياتي للجميع

[نيرا]

الإنسان لازم يتحدى تحدياته ويتحدى حتى يصل لما يريد
وبالتوفيق لكم

[محمد نصر فحجان]

انا بيد كلام الاخabu_groonومع الاخت محبة العلم
**************************
فانا من وجهة نظرى فوتى الاسلامية احسنلك واتوكلى على ربنا
وربنا يوفقك
اختك فى الله وسااام

هادي جامعة يا اختي
ويا ريت نبطل العنصرية هادي
ونبطل نغلط ببعض و نتستر بالدين

[Tichoo]

يا جماعة شو يعني مشبوهة ومش مشبوهة؟
انا الي اختين اكبر مني وحدة درست بالازهر والتانية بالاسلامية..وكل وحدة الها مزاياها ومساوئها..
والله العظيم بعرف بنات متل النقطة بالمصحف من صحباتي ودخلو الازهر وابنات بعرف سمعتهم بالبلد زفت ودخلو الاسلامية..
احنا بنات وبنعرف بعض كويس..وكل وحدة بتحكي للتانية..
بجد انا بحكي..ما في داعي تسيئو لاي من الجامعيتين..التنتين خير وبركة وكل وحدة الها سنين بتخرج دفعات زي المسك وعم تشتغل بهالبلد..
انا عن نفسي كنت محتارة بين اللغات بالازهر او ادب انجليزي بالاسلامية وبالاخر سجلت بالاسلامية والسبب مش **********..السبب انو انا الي صحبة بالازهر بتدرس صيدلة وبتشكي من قصة الاضرابات وانو بيضلهم يأجلو امتحانات ويتأخرو بينما لما رحت الاسلامية بمجرد ما نزل القبول اخدت جدولي وفيه مواعيد الامتحانات وكل شي وانا من النوع اللي ما بيحب التأجيل يعني بحب استعد للامتحان وما اتفاجأ بانو تأجل..
**********************..صحيح الوحدة بتاخد راحتها اكتر لما تكون بمكان مش مختلط..بس فكرو كويس برضو..مجال العمل فيه اختلاط وفي شباب اخطر من اللي انتو بتفكروهم..خاصة بالطب اللي الكم ساعتين بتحكو عنه..
انا هادي وجهة نظري وبيكفي كل واحد يسيء للتاني..
حرام عليكم بيكفي..

[dream]

شو قررت الاخت ياسمين ؟

[max]

نازلين في بعض تشفي بس لوتتأملو في حالكوا شوية راح تعرفه انكم شايلين عنصرية في روسكم
طيب علشان اريحكم لا طب اسلامية ولاطب ازهر بتقدروا تقولوا عنه قوي منيح هيك

[اليتيمة]

اكيد لا الاسلامية ولا الازهر طبها وصل لدرجة يعتمد عليها 100%

والقرار قرار الطالب وين بدو يدرس ووين بيرتاح من غير عنصرية وتعدى ع الآخرين

[mom2007]

أي طالب وبطلب من إدارة المنتدى حظره اذا تم التطاول من قبل الطلاب ما إلكم تدافعوا عن هاي الجامعة او هديك
بطلو هبل وتخلف وبكفي للحد هادا
الى اي شخص حابب يدخل مجال معين منهم الأخت ياسمين وغيرها وبيطلب اقتراحات الطلاب التانين عليهم يجاوبو
وفق حدود الأدب واحترام الرأي الأخر وفقط وبعدين يا أختي صلي الإستخارة وان شاء الله ربنا بيهديكي
ما إلك بغيرك يوديك هنا أو هناك
من الأخير ان كنتي بدوري انك تتعلمي مش في بلادنا او بلاد العرب
ولكن بما إنك هنا ولازم تختاري بين الأزهر والإسلامية فتوكلي وصلي واختاري صدقيني ما في فرق
كلو زفت عفوا من هيك كلمة لكن هادي هي الخيارات المطروحة
شكراااااااااااا

أرجو عدم التعصب مرة أخرى

[بش مهندس]

انا بدي أحكي اني من زمان كنت بحلم أدخل الأزهر وعمري ما فكرت بالاسلامية
لكن رحت على الجامعتين وسجلت هندسة بالاسلامية والحمد لله مبسوطة فيها
بس المعاملة في القبول والتسجيل والموظفين مش كتير كويسة بس معاملة الدكاترة كتير كويسة
واللي بحكي انه الطب والهندسة صعبة وتضيع عمر كلام خطأ
هي انا بدرس هندسة وما بفتح الكتاب غير قبل الامتحان بيوم او بيومين بس والحمد لله معدلي التراكمي كتير كويس
اما بالنسبة للطب مابعرف بس بعرف بنت عمي بتدرس طب بالأزهر بتحكي بدو دراسة كتير وحفظ وانا بكره الحفظ
اما بالنسبة للاضرابات بالأزهر فالطب ما اله دعوة بكل هاي الاضرابات
والي ابن عمتي كمان طب بالاسلامية بحكي كويس
وانت حرة باختيارك واستخيري ربنا والله يوفقك

[flstiny]

الرجاء الالتزام باسلوب افضل للحوار

وطريقه افضل لتوضيح الاراء

مشكورين جميعا

تم اغلاق الموضوع

حمادة