[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]




آداب العيد

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

اللهم آمين كل عام وأنتم بخير

بسم الله الرحمن الرحيم
الموضوع الاخير
ربما سيكون الموضوع الاخير من موضوعات رمضان المبارك في الزاوية الرمضانية وهذا الموضوع ترددت كثيرا في كتابته الا ان الواقع العربي المعاش وما تبثه القنوات الفضائية العربية وما تلعب به بعقول البشر وكأن من يتابعها اناس جهلة لا يدركون ولا يعون ما يدور حولهم
ولنبدأ بتلك المهزلة التي ارجعت قيمة المرأة العربية والمسلمة الى الحضيض من خلال عرض مسلسل "عايزة اتجوز" وما يلعبه المخرج والكاتب والمنتج والممثلون بعقول البشر
نعم اننا ندرك مخاطر مثل هذه الحالات من العزوبية الطويلة سواء للذكور والاناث على حد سواء وخصوصا في مجتمعات مثل المجتمع المصري والمجتمع العربي بشكل عام
الا ان الامور لم ولن تصل الى ما وصل اليه المسلسل من امور خرافية وما صوره الكاتب والمخرج

اما المسلسل الثالث وهنا تكمن المصائب
في الدور الذي اسند للمثلة صابرين والتي حصلت على فتوى من شيخ الازهر كما يقال بان تستبدل الحجاب بالباروكة وهنا
لا ادري ولست بشيخ ولا علامة في الدين ما الذي استند عليه من اصول دينية في فتواه وما صحة الباروكة مكان الحجاب
وما القول في الممثلة التي تحجبت ومن ثم عادت لتظهر بهذه الصورة المخزية

ان ما يحصل من المؤكد انه مدروس ومبرمج من اعداء الاسلام والمسلمين لتشويه الواقع الاسلامي ولتشويه الواقع المحترم في هذا الشهر الفضيل
ولكن التساؤل اين المسلمين وماذا فعلوا حيال ذلك ؟
ولماذا هم لغاية اللحظة يسمعون ولا يعون ما يحصل لهم ؟
لا استطيع ا لا القول لا حول ولا قوة الا بالله العلي العظيم
وحسبنا الله ونعم الوكيل في كل الفضائيات العربية الساقطة التي تدمر ولا تبني وتحطم ما نعلمه لابنائنا وبناتنا وحسبنا الله ونعم الوكيل في كل شخص يحارب هذا الدين

رهف ورشا تجلسان في ساحة المدرسة ...... رهف تراجع امتحانها ورشا فوق رأسها ...

رشا: يييييي يا رهف شو هاد ما بتزهقي دراسة ؟؟؟ عبرينا ... من ساعة وانت قاعدة بتدرسي !!
رهف: حاضر... وهاي حطينا الكتاب ... احكي ..
رشا: شو صار بموضوعنا .؟؟؟
رهف: انو موضوع؟؟؟
رشا: تعمليش حالك ناسية .... موضوعنا ....
رهف: آآآه ... قصدك هداك الموضوع ..... بس انا حكيت اللي عندي ...
رشا: انا ما دخلني امي خبرت امك انو جايين عندكم نهار الخميس...
رهف: لا شو الخميس ..... علينا بعدها امتحان (e) خليني اعرف ادرس ...
رشا: حبيتي ... اكتر من هيك انا ما بتحمل ولا خالتي ولا حتى احمد ..... صرلك سنة بتحكي لبعدين ....
لايمتا يعني ؟؟؟
رهف : خلينا صريحين يا رشا .... يعني ابن خالتك ايش لحق يعرف او يشوف مني ؟؟؟ كل اللي شافوا كلمتين عَ الايميل وكمان ما كانوا كلمتين حلوين .... كنت ناشفة كتير معو ...
رشا: اصلا هاد الاشي اللي عجبو فيك يعني هو بدو بنت محترمه وتكون ما حكت مع شباب من قبلو ....
وهو اصلا ما خلا ولا سؤال الا وسألو عنك ...... فليش تعلقي الشب؟؟؟

رهف: مش عارف !!!
رشا: شو يعني مش عارفة ؟؟؟ استخيري ربنا وتوكلي عليه ....



الام: اهلا وسهلا ....نوّر البيت ...
ام حسام : البيت منوّر بصحابو ...
---------------------------------------- واكملن على هذا النحو------------------------------------------
رشا ورهف في غرفة رهف يسترقان السمع ...
رهف: ييييي يا رشا والله بكير عَ الموضوع والله خايفة!!
رشا: بعدين معك انت ؟؟؟ من اول ما اجينا وانت مبلشتيلي ( والله خايفة يا رشا ..... والله بكير يا زفت )
خلينا نسمع شوي .... وليش خالتي لسانها ارتبط ؟؟ طول امبارح وهي تعمل بروفات قدام احمد .



واخيرا تكلمت (ام احمد) فردّت عليها (ام محمد)...........

ام محمد : ههههه ... والله ما بنلاقي احسن منكم واحسن من المحروس احمد بس في مشكله بالموضوع ...
ام احمد: ان علشان دراستها فاحنا مستعدين نستناها تخلص توجيهي وبعدها بنسجلها بالجامعة ...
ام محمد : لا ولو البنت بنتكم .... بس انا قصدي انو لما ماتت اختك الله يرحمها (امو لاحمد) كان الولد عندي ورضعتو مرّة وحدة كان مسكين جعان كتير ... وهيك بتصير اختو في الرضاعة ولا مش هيك يا ام حسام ..

ام حسام : ---------------------------- آه ... والله هاي اول سمعة والله ما عندي علم بهالحكي !!!!!
ام محمد : آه يمكن انتو ما بتعرفوا .... بس امكم الله يرحمها هي اللي طلبت مني ارضعوا لانو كان ابني محمد صغير .... وبعدها رضعتو مرّة وحدة بس وما رضي يرضع مرّه تانيه .... وبعدمده سألت امك حكتلي انو صار يشرب حليب اصطناعي !!



اخذت ام احمد وام حسام يتبادلان النظرات بدهشة كبيرة واعتذرن كثيرا عن ما بدا منهن دون علم .........
اما بالنسبه لرهف فقد صدمت بذلك النبأ فهذه اول مرّه تعرف ان احمد اخوها بالرضاعة ...



عادتا ام احمد وام حسام فاستقبلهما احمد
احمد: آه خالتي قمحة ولا شعيره ؟؟؟
ام حسام : انت بتعرف انو انت ابن ام محمد بالرضاعة؟؟
احمد: نعم!!!!!! ابن مين ؟؟؟ رضاعة شو؟؟؟
----------------------------- قصّت ام حسام القصه لاحمد-------------------------------------------
احمد :سبحان الله ..... هلأ اتذكرو اني انا ابنهم بالرضاعة ؟؟؟ صرلي عايش 23 سنه ولا مرّه جابولي سيره ...وبس رحنا نطلب بنتهم اتذكروا........ شو هالحظ يا جماعة ؟؟؟

ام حسام : وحّد الله يا خالتي ... كل اشي بالدنيا قسمه ونصيب ولو نصيبك بآخر الدنيا رح يوصلك ...
وحتى لو كانت رهف نصيبك رح توصلها غصب عن الكل ...

احمد: سبحان الله ... وانا ما كنت اجوع الا وانا عندهم ؟؟؟
رشا: حرام عليك !!! كلها مرّة وحدة وبعدها شكلو الطعم مش عاجبك وما رضيت ...
احمد : عيدي عيدي .... كم مرّه ؟؟؟؟
رشا: مرّة وحدة !! ليه يعني ؟؟؟
احمد : متأكدة يا رشا انها مرّة وحدة ...؟؟؟
رشا: مش مسدقني اسأل امي وخالتي ...
احمد : مشان الله خالتي روحي اتصلي فيهم وتأكدي كم مرّة ...
ام حسام: شو فرقت يا خالتي المهم انك رضعت وخلص !!!
احمد: لا خالتي .... هيك الموضوع اختلف كتيير .... انا مرّةسمعت شيخ بيحكي انو اقل من3 مرات ما بيصيرو اخوة في الرضاعة ...منشان الله خالتي تاكدي...



بعد فتره قصيرة تاكدت ام حسام من ام محمد انها رضعة واحدة لا غير وهي متاكدة من ذلك ....
فأخبرتها ام حسام بالموضوع بعد ان تأكدو من الموضوع من شيخ المسجد ....
ووعدتها بأنهم سيبحثو في الموضوع .....



الاب : والله اني متحير يا ام محمد .... خلينا نتأكد ...
الام: بس انا متأكدة انها مرّه وحدة وانت كنت تعرف يا ابو محمد...
الاب: آه انا متذكر لما حكيتيلي انو ما قبل يرضع غير مرّة (سبحان الله هالايام بتمشي بسرعه ) هداك اليوم هاد الحكي هلا صار احمد شب .....
الام : طيب من ايش بدك تتأكد؟؟
الاب: انو بيصير يوخد رهف رغم انو رضع منك مرة وحدة ..........خلي الموضوع بينا بدي اسأل الشيخ ...



بعد ان بحث ابو محمد بالموضوع اراد ان يستشير ابنته........
في غرفة رهف

طرق الاب الباب ....
الاب : بتسمحلي الآنسه رهف ادخل ؟؟؟
رهف: واو عبد الله عندي هون بغرفتي !!!
الاب: ول الناس بطلت تستحي (عبدالله) هيك حااف!!!!
رهف: آسفه بابا ....اتفضل !!!
الاب: (جلس على سريرها وطلب منها اغلاق الباب )
اضطربت رهف قليلا : خير في شي؟؟؟
الاب: لا ما في اشي .... بدي اياك بموضوع خاص شوي ....
رهف : حاضر ...
الاب: انتي بتعرفي احمد ابن الحج زياد صح؟؟؟
رهف: (بنوع من الخجل) ايوه بعرفو...
الاب: منيح....... يابا الشب طالب ايدك وبدو اياك عَ سنه الله ورسولو .... وانت بتعرفي كم انا بحبك وما بقدر اعيش بلاك .... بس هاي سنه الحياه واول عن اخير بدك تشوفي حياتك لانو ما في حد دايم لحد ... وانا مارح القا حدا احسن من احمد يدير بالو عليك وتعيشي معو حياتك !!! ايش رايك ؟؟

رهف:------------- !!! الراي رايك يابا .....
الاب: لااا يابا بهاي الامور انت اللي بتقرري مين بتشوفيه مناسب .... استخيري ربنا والله يقدم اللي فيه الخير ....






وبعد اسبوعين تقريبا .... تم كتب كتاب رهف على احمد ولكن تأجلت الحفله حتى يكونوا ريان ومحمد موجودين ....
في احدى جلسات احمد ورهف....................
رهف: احمد....
احمد: عيونو ....
رهف: بدي اسألك سؤال....
احمد: اسألي اسئلة ... هو كم رهف عندي ؟؟
رهف: انت لساتك بتعمل شي عَ الايميل ؟؟؟
احمد : اعوذ بالله .... اصلا والله انت البنت الوحيدة اللي تهبلت عليها هيك وما رجعت عملتها بعد ردّك عليّ...
بس بدك الصراحة... انا بموت عَ هداك الرد رغم انك كنت ناشفه معي ..
رهف : ليه ؟؟؟
احمد: لانو عرفني عَ احلى خطيبه في الدنيا كلها ... الله يخليلي اياك...
رهف:ويخليلي اياك يا رب.. وبدي منك توعدني انك ما تعمل شي في الايام الجايه ...
احمد: حاضر يا عيوني ... اصلا انا ما بقدر ازعل رهف مني ..... ولك مهو نشف ريقي لخطبتك ..
ولا نسيت الشغله اللي طلعتلنا !!! اوووووف كنت رح اموت !!
رهف: بعيد الشر عنك... هلأ انت ما كنت تعرف انك راضع من امي ؟؟
احمد: ومن مين بدي اعرف؟؟؟؟ اذا ستي الوحيده اللي كاينه تعرف وبعد امي بسنتين ماتت يعني كان عمري 3 سنين .... اذا ابوي اللي هو ابوي ما عرف الا بعد ما اجت خالتي عندكم!!!
عَ كل حال الحمد لله .... وهيك ايقنت انو القسمه والنصيب ما حد بيقدر يمنعهن !!!
آآآآآآآآآآآآآآآآآآخ يا رهف عنجد اني مشتاق لامي ...صح هي خالتي مش مقصرة معي بإشي بس امي ما
بتروح من بالي... يا الله فعلا الحياة بدون ام ما الها معنى... وبيضل الواحد مش مبسوط لو ايش ما صار من اشياء حلوة وتغيرات بحياتو طول ماهي امو مش معو....

رهف: لا احمد ما تحكي هيك !!! صحيح حنان الام ما حد بيقدر يعطيك اياه ويعوضك عن اللي راح من سنينك بس انا رح اكون كل اشي بالنسبه الك ...
ما بدي اشوفك زعلان وتتذكر الاشيا اللي مو حلوه من حياتك...
انا ان شاء الله ربنا بيساعدني اعوضك عن سنين عمرك اللي انجرحت فيها.... وتكون ايامنا كلها سعادة..
ولاّ انت مو مبسوط انا خطبنا لانو امك مو موجودة؟؟؟

احمد: آآآآخ يا رهف ... من زمااااان ما حسيت انوفي حد لهدرجه بحبني وبحاول يسعدني....
كيف بتحكي انو انا مو مبسوط؟؟؟ اصلا انا نفسي اقابل امي لمرة وحده بس علشان افرجيها كيف صرت شب وصار عندي احلى خطيبه بالدنيا كلها...

رهف: بعدين!!!! ما بدي اسمعك بتحكي الآخ .... والله انا حاسه فيك وخلص والله بزعل ازا ضليت موجوع..
احمد: والله يارهف من زمااااااان ما شكيت لحد اللي بقلبي ... بس خلص من اليوم وطالع رح اعيش كل يوم بيومو مع احلى رهف بالدنيا ... ويا رب اقدر اسعدك متل مارح تسعديني..
وربنا يعطينا بنوته حلوه متلك..
رهف: ................
احمد: ليش ساكته؟؟؟ بس عنجد انا بدي بنوته حلوه متلك...
رهف: طيب... ان شاء الله.........!!
احمد: ... آسف اذا حكيي ازعجك ...
رهف: لا ما ازعجني ... طوّلنا مش لازم نروّح؟؟
احمد: رهف.....
رهف: نعم؟؟؟
احمد: في شي ؟؟
رهف: لا ما في شي...
احمد: انت لايمتا رح تضلك تعامليني هيك ...وكإني غريب؟؟
رهف: لا مو قصه غريب ... بس كإنو هاد الحكي بكير عليه..
احمد: حاضر .... المهم انت ما تزعلي ..
رهف: (*_*)...
------------------------------------(رن هاتف رهف) ------------------------------------------------
رهف: عن اذنك احمد ... هاد ريان ..لحظة وبرجع..
احمد: اوكي ... بس ما تطولي عليّ ,,, سلميلي عليه!!
-------------------------------------(بعد انتهاء المكالمه....)------------------------------------------
احمد: اووف كل هاد مع ريان؟؟
رهف: ههه...ما طولت ...
احمد : امبلا طولت و كتير كمان..
رهف: هاد اخوي يعني مو حد تاني اللي تدايق لو حكيت معو كتير...
احمد: طيب......ايش كان بدو منك؟؟؟
رهف: ههههههههه ... لو تعرف ايش كان بدو ؟؟
احمد: ايش؟؟
ريان : هاد يا سيدي بدو يسألني عن رشا...
احمد: اني رشا؟؟ بنت خالتي..
رهف: اهااا ... عليك نور...
احمد: وايش بدو منها؟؟
رهف: والله انا كنت احس من زماان انو في شي غريب ... وهلأ بيسألني عنها بدو اياني اسألها ازا بتوافق عليه..
احمد: يعني يخطبها؟؟؟
رهف: والله من زمان كنت حاس فيهم ... وطلع احساسي بمحلو...
احمد: يا سلام .... نيالي عهيك خطيبه ...دايما بتلقطها عالطاير...
رهف: ههه...المهم بما انك انت ابن خالتها ايش رأيك؟؟؟
احمد: الرأي رأي رشا... بس بيني وبينك ابوها لرشا ما بيرضا يخطبها قبل ما تدخل جامعه..
رهف: !!! الله يجيب اللي فيه الخير !!!



وسيم واثناء عودته من صلاه الفجر مع رفاقه الجدد .... وهم شباب صالحين ويساندونه ويدعمونه للصواب ...
وسيم: بتعرفوا يا شباب ...... انا كنت زمان اعمل اشياء حرام واكون مبسوط وانا بعملها .... وكنت انا وصحابي نتنافس مين بعمل حرام اكتر بس هلا انا مبسوط اكتر وانا ماشي في طريق ربنا .....
فعلا(معاه الحياه احلى).............




بعد عدّه سنوات .................

عائلة عبد الله وسلمى :
لم يبقى في المنزل سواهما مع وسيم .... وسيم اكمل دراسته الجامعيه وهو الآن يعمل في احدى الشركات الكبرى كما انه يود اكمال دراساته العليا بدايه السنه المقبله..... لم يفقد وسيم حيويته وحبه للملابس والموضه ولكن مع تقرب من الله اكثر ...


عائله محمد ويارا:
تزوجا وسافرت يارا عند محمد الى الامارات وهي الآن تعيش حياه سعيده .... صحيح انها لم تكمل تعليمها ولكن الله عوضها ب (عبد الله ) .... ولم تنقطع عن رفيقاتها رشا ورهف رغم المسافات البعيده فقد بقيت على اتصال معهن .....


عائله احمد ورهف:
تزوجت رهف بأحمد بعد زواج يارا ومحمد بسنه وانجبت منه طفلة جميله واسمتها (رغد) وقد اكملت تعليمها وهي الآن معلمه ((e في احدى المدارس الخاصة......


رشا :
تركت النت ووجهت انتباهها الى دراستها لانها هي سلاحها في حياتها ومن بعد زواج صديقتيها كانت تشعر بالفراغ وكانت على اتصال دائم برهف....
بعد فترة من زواج رهف ودخول رشا الجامعه عرضت رهف فكرة خطبة ريان من رشا فقد كان والد رشا معترضا على فكره خطبه رشا قبل ان تقطع رشا جزءا من تعليمها الجامعي وبالفعل خطبت رشا ........






الخاتمه
قصتنا على الاغلب ليست واقعيه .... ولكن كان هدفنا ان نوصل افكار مجموعة من شباب المجتمع الفلسطيني
ومن هذه الافكار التي تم تجسيدها داخل القصة ..........



*** ان الله هو الوحيد الذي يجب ان نعود اليه في جميع امور حياتنا (كما حصل مع وسيم)...


*** ان وباء العصر (الايميل .... الشات..... الدردشه )لا تحمل أي نوع من الهداف الواضحة او المفيده للانسان بل انها تدمره اذا استخدمها في الجانب السيء ..... وهو عباره عن عالم وهمي ويجب ان نستخدمه في الاشياء المفيدة وليس للدردشه مع الشباب (كما حصل مع رشا) لان ذلك لا يسمن ولا يغني من جوع ...



*** الطريق الصحيح هو طريف التقوى........ ويحفظ الله الذين على هذا الطريق ويثبت قلوبهم ويشعروا بالراحة في الدنيا وسينالون الاجر في الآخرة....(كما حصل مع ريان )



*** الفتاه المحترمه والمؤدبه هي من تبهر الجميع بتصرفاتها وادبها ومن الممكن بتصرف واحد منها ان ترشد( بعد اذن الله) الكثير من الاشخاص (كما حصل مع رهف)



*** القسمه والنصيب والقدر ثلاث كلمات لها الاثر والقدرة في حياتنا يجب ان نؤمن بها (كما حصل مع محمد)...




*** الخيرة فيما يختاره الله.... (كما حصل مع الجميع) قال تعالى"عسى ان تكرهوا شيئا وهو خير لكم"